Jeremia 38:5 - Iaai Bible 1901 (New Caledonia)

⁵ Ke haingö Zedekia than, ka habe, Wâ bi, e but e hnyi je hnyamöbun: anyin ae ca khana bi than he ka ve e möbun.

Jeremia 38:5 ပူးပေါင်းရင်းမြစ်များ

II. Samuela 19:22

Ke haingö Davita, ka habe, Ieû könya gabun je laku Zeruia, mʼ öbun e he ka bi iwahnaihmiony mönya hnyi bong ang? hawa, adre me he ka hlingâ ke at hnyi Isaraela hnyi bong ang? hawa oge me ca wâ a iny than Isaraela hnyi bong ang?

II. Samuela 3:39

Ke iny sēnyin dut hnyi bong ang, eja ke ne adre me hia but hû nya hnân than; ke ti hmak könya li at ang a li laku Zeriua: e so Iehova ame he ka bi hwaban ka at a ânyâ hwakecin ae kong hoton anyin bi monu.

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Jeremia 26:14

Ke haba inya, wâ bi, inya but hnyi hnyamöbun: ânyâ thö könya helâ me ûnyi ae so me ûcû könya.

Jeremia 37:17

me haba Zedekia than ame ûkhûnöng he ka hawâ e: ke than ame hnö duöngâ e hnyi umen uma me ha, ka habe, Hawa, e hu hofuc ûnyi ga Iehova? Ke haingö Jeremia ame ha, ka habe, E hu, Ke e ame ha minya, ka habe, Adre me he ka hnö u ka hnyi hnyamen than Babulona.

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Daniela 6:17

Ke adre me hom veto me hlöng hnyimen thop; ke haba than ame bi haten e ge anyin ûnyi hnân ohmâ haten, ke je hna ohmâ haten anyin je taben unyin; mʼ adre me ca wia bi ga Daniela ke ûnyi a khaca.

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.

I. Samuela 29:9

Haba Akisa ame thu me ha kö Davita, ka habe. E khanö nya a u so könya helâ me angela anyin Khong: ke so bi je tuhan at Filisiti ödrin e ha, ka habe, E ame ca he ka tha he mötin ka hnyi vat.