Jeremia 38:4 - Iaai Bible 1901 (New Caledonia)

⁴ Me ame ha je taben ka than, ka habe, E so adre me hlingâ but at ang; anyin a helâe e ame osenyinâ je hnyamen tavat vat a ta je kolon hnyi taun ang me tavat hia, hnyi hnen hna ha je hofuc helâe: anyin a haba at ang, e ame ca elâm he ka osoâ bi tavat ang, ke e ame okongoâ bi.

Jeremia 38:4 ပူးပေါင်းရင်းမြစ်များ

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

II. Man Ûlabainy Je Than. 24:21

Me ödrin e sihnân, me lûâ e ge veto hnyi hnyeuleny uma umö Iehova hoton musi anyin than.

Ezera 4:12

Khanö u thö than, a haba at Juda tavat ödrin e he but kohmun ûhedrin unyâm, ödrin e o but hnyi Jerusalema; ke ödrin e op taun ame thu musi me kong, kʼ adre hia but umo je hna up haginy, me okhötâ je taben.

Nehemia 6:9

Anyin a ödrin hia thithö ödrin e beöti ohmun haingödrin ka habe, Ame he ka mat je hnyamödrin hnyi huliwa, mʼ adre me ca ânyâ bi. Ke walang Khong lö, owhegiâ thö li hnyamok.

Esodo 5:4

Ke haingen than Aigupito ködru, ka habe, Ieû gabu Mose me Arona öbu me uny jut je hok ge tavat hnyi je hanymödra? He bi thö ka huliwa.

Jeremia 11:21

Anyin a wale, walang hna ha hnö Iehova ge aten Anathoth, tavat adre me elâm he ka hlingö u, ka habe, U me ca he ka perofeta hnyi iö Iehova, wâ u nye mok ut gahmun:

Jeremia 18:23

Ke so bi, Iehova lö, e khanö u hia anyidra ûhnenamö gak hnân he ka hlingö nya; ca he ka hna hwakecidra ae kong, ke ca he ka kot degecâ anyidra monu unyi hnyi hnyimâkâm: ke so he ka hagutʼ ödra but hnyi hnyimâkâm; ke ânyâ thö kodra hnen ânyâm hmonyin.

Jeremia 26:11

Me haba tavat bihut, me je perofeta, adre me ha ka je taben me tavat hia, ka habe, E ûcû but at ang he ka mok, anyin a e ame perofeta ûcon taun ang, helâ me hna long hnen je hnyikönyöbun.

Jeremia 29:7

Ke elâm dö hnahicin taun waleji oge ûkhûnöng he ka hum öbun ka hnyin, ke hic dö kö Iehova hobi kâu e: anyin a hnyi hnahicin e, öbun e he ka hnyi hnahic.

Jeremia 38:16

Me Zedekia than ame khemanyin duöng kö Jeremia me ha, ka habe, Kia inya Iehova, at a up otu a oge me ca he ka hlingö u, me hnö u ka hnyi hnyamen tavat ang adre me elâm he ka hlingö u.

Jeremia 38:25

Ke ame ne löng je taben a oge hia but ûhnenamö möu, me adre me he ka o köu me ha köu, ka habe, Më thumetu ohmun dö walang ang waleji ge hnâm hna ha ka than; ca ikhâlâ gahmun, ke ohmun e ca he ka hlingö u:

Jeremia 43:3

anyin a haba Baruka nöku Neria, ame kunö u gahmun, he ka hnʼ ohmun ka hnyi hnyamen at Kaledaia, mʼ adre me he ka hlingʼ ohmun me hum ohmun a je bâ Babulona ai.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Amosa 7:10

Me haba Amazia at bihut hnyi Bethela ame ûkhûnöng kö Jeroboama than Isaraela me ha, ka habe, A hia but Amosa si hnâm hnyi wanben lap anyi Isaraela: e ca ûcû bi hnyei he ka hok hnyokâ hwan je hofuc.

Luka 23:2

Ke adre me hwân he ka bi fuco e, ka habe, Ohmun e wâ but at ang ame omono ita hnyei, kʼ ame thawâ he ka fat kö Kaisara, kʼ ame ha, a e thibi Keriso a ke than bi.

Ta je huliwa 16:20

me ödrin e hum ödru ka je taben, me ha, ka habe, Haba li at Juda eang, ödru me omonoâ anyita taun,

Ta je huliwa 17:6

Ke adre me ca ō ʼdru, me adre me lili Jasona me ke je liamekeiny ka tavat muso taun, kʼ adre me fuc hwege, ka habe, Haba hnyat ang a tavat adre me omonumonoâ hmeledrany, me ödrin e o but minya eang;

Ta je huliwa 24:5

Anyin a ohmun e wâ but at ang ame bi jönihmun, kʼ ame okûâ ûhûgûnö dokhu unyin at Juda hia eang hmeledrany, haba e me homakan at Nazareta:

Ta je huliwa 28:22

Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.