Jeremia 38:22 - Iaai Bible 1901 (New Caledonia)

²² Wâ bi, adre me he ka hom omomo hia a je kolon hnyi uma umen than Juda ka je taben anyin than Babulona, ke ame he je momo eling ka ha, ka habe, Haba je lawaem adre me iyawo u, ke ame tudra but: a didrut li cam hnyi hmudra, me adre me hmetu but.

Jeremia 38:22 ပူးပေါင်းရင်းမြစ်များ

Jobu 6:15

A hia but iyawö ge je liamekeiny mönya helâ me wagewe; Ke helâ me deny je wagewe a hingölö but?

Salamo 41:9

Eke, haba ihumik, waleji at oge me geju kâu, at ame an ök jeû Ame hia but hûki nya ge ohmâiny can.

Salamo 69:14

Omeli nya thö ûnyi hnyi hmudra, ke ca hnö nya but he ka cûlûlû: E so adre me omeli nya ûnyi ge tavat adre me hûkötiö nya, ke ûnyi hnyi je köiö ae dit:

Salamo 69:2

Oge me cûlûlû hnyi hmudra ae dit, ke ba dok he ka tot hnyin: Oge me o but ka hnyi je köiö ae dit, me ame hûlûlûö nya hnen je wadutö.

Isaia 42:17

Ke adre me he ka ohmetu ödra, mʼ adre me he ka hmehma, tavat adre me labageju ka ta je idola, tavat adre me ha ka je hnatheat adre okoiâ, ka habe, Öbun je khonguhmun.

Jeremia 13:21

Ieû u me he ka ha, e ka he ka otilâ je waem hom hnân bâm, anyin a u je hia but nʼ ödra he ka musi u? hawa, ame ca he ka kot u ge je vec, helâ me momo ame he kahnokoâ?

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 27:14

Ke ca löng bi hofuc hwan je perofeta, tavat adre me fuc köbun me ha, ka habe, Öbun e ca he ka bi athnyabainy than Babulona: anyin a ödra adre me perofeta thoi köbun.

Jeremia 27:15

Anyin oge ca kunʼ ödra, haingö Iehova, ke adre me perofeta thoi hnyi iök; waleling me inye he ka obʼ öbun, mʼ öbun e he ka mok, öbun me je perofeta tavat adre me perofeta köbun.

Jeremia 38:19

Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Jeremia 38:21

Ke u je ne höcö he, walang hofuc ame omanenâ könya Iehova, ka habe,

Jeremia 41:10

Me haba Isamaela ame hombâ je kolon tavat hnyi Mizepa, je lakon than a je hlu, me tavat hia a je kolon hnyi Mizepa, waleji hnö Nebuzaradana taben tavat tue hna hna kö Gedalia nöku Ahikama: haba Isamaela nöku Nethania ame hum ödra a hwenbâ mʼ adre me he ka je laku Amona.

Jeremia 43:6

wale obaga, me omomo, me ta je wanakat, me je hlu lakon than, me tavat hia waleji hnö Nebuzaradana taben tavat tue hna ip unyi Gedalia nöku Ahikama, nöku Safana, me Jeremia perofeta, me Baruka nöku Neria;

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 46:5

Anyin a ieû oge me wâ e? adre me ot me hmetuhmetu; ke adre kot anyidra je taben, adre me kec hwege me ca hwio bi: e hu ûnyi hnân ootâ igigilo, haingö Iehova,

Jeremia 6:12

Ke ame he ka umen ke keihen umödra je uma, tha e me ta je hnyei me omomo: anyin oge me he ka hai hnyamok hon aten hnyei, haingö Iehova.!

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Je tenge anyi Jeremi 1:13

E ame hia but kunâ ûheny dö meic ka hnyi je jeiok, kʼ ame ton bi: E ame hia but thong ert hobi kâu li cak, e ame hia but ohmetu nya; E ame hia but hake ip nya, me ohlohloi nya hnyi je bong.

Je tenge anyi Jeremi 1:2

E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.

Je tenge anyi Jeremi 5:11

Adre me okongoâ omomo hnyi Ziona, Me wahlu minya hnyi je tauniny Juda.

Mika 7:5

Ca labageju ka waem, ca geju bi ka at ame kû gethen: tuö ju hwanumen hnyimâm ge momo at ame mokulec ûlaiâm.