Jeremia 38:2 - Iaai Bible 1901 (New Caledonia)

² Walang hna ha hnö Iehova, ka habe. Haba at ama laba bala bi hnyi taun ang, ame he ka mok ge hele vet, me hmiâ, me mok ae cap: ke haba at ame he ka he ka at Kaledaia, e ame he ka mot biju, ke ame he bi ka jekhon anyin mot, ke e ame he bi ka mot.

Jeremia 38:2 ပူးပေါင်းရင်းမြစ်များ

Jeremia 21:4

Walang hna ha hnö Iehova Khongu Isaraela, ka habe, Wâ bi, oge me he ka ohavâ je omjehen vat ae hnyi je hnyamöbun, waleji ge hnobun hna vat me than Babulona, me at Kaledaia, tavat adre me igigili öbun hoton hna up veto, ke oge me he ka ûkhacaköu ödra hnyi wanben taun ang.

Jeremia 24:8

Ke haba je wan meta ae kong, ke ca hnân han anyin ae kong: E hnathu, haingö Iehova, oge me he ka hnö Zedekia than Juda helâe, me anyin je taben, me je kolon hnyi Jerusalema, je kolon tavat aten hnyei ang me tavat adre me laba hnyi Aigupito:

Jeremia 27:11

Ke haba hnyei tavat adre me hna je nyidra ka hnyi hna ûhûkâlâköuâ anyin than Babulona, me bi athnyabainy, me oge me he ka ip tavat eling ka laba bi hnyi idra, haingö Iehova; ke adre me he ka belökâ me labā e.

Jeremia 27:13

Anyin a ieû öbun e he ka mok, u me lakem ge hele vat, me hmiâ, me mok ae cap, helâji me hna ha ga Iehova ka hnyei ame höcö bi athnyabainy than Babulona?

Jeremia 29:16

Anyin a walang hna ha hnö Iehova ge than at ame tabâ theron anyi Davita me tavat hia, tavat adre me labā taun ang, a je liamekeiny möbun adre ca hnyi he möbun ka hnyi bâ;

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 34:17

Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

Jeremia 39:18

Anyin ae hnathu oge me he ka omeli u, ke u me ca he ka ta ge hele vat, ke ame he ânyâm mot ka jekhom: anyin u je hia but labageju könya, haingö Iehova.

Jeremia 42:17

Ame he ka helâe ka tavat hia adre me ohwegiâ ta je hnyimakodra he ka he Aigupito ai me laba kanyua eling: adre me be ka mok ge hele vat, me hmiâ, me mok ae cap: ke ba at gadra ame he ka hnen biju me kec ge okongon wale oge me he ka oâ ködra.

Jeremia 42:22

Ke walang ang wâhmakhmeto thʼ öbun a öbun e he ka mok ge hele vat, me hmiâ, me mok ae cap, hnyi dok waleji öbun e weny he ka he kâu me laba atkanyua hnyin.

Jeremia 44:13

Anyin oge me he ka bi hwaban ka tavat adre laba hnyi Aigupito, helâji me hnok hna bi hwaban ka Jerusalema ge hele vat, me hmiâ, me mok ae cap:

Jeremia 45:5

Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin.

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 6:11

Walang hna ha hnen Than Iehova, ka habe, Khaûkhaû thö, ke ututo ju, me ha, ka habe, Ekölö! can ta je ûnyi ae kong me ikiki anyin lap Isaraela: anyin adre me he ka ta ge hele vat, me hmiâ, me mok ae cap.

Ezekiela 7:15

Hele vat hnyi hoton hak, ke mok ae cap me hmiâ eû hnyin: ame he ka mok at hnyi ta hnyei ge hele vat, ke ame he bi hmiâ me mok ae cap ka an tavat hnyi taun.