Jeremia 38:19 - Iaai Bible 1901 (New Caledonia)

¹⁹ Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Jeremia 38:19 ပူးပေါင်းရင်းမြစ်များ

II. Man Ûlabainy Je Than. 30:10

Ke haba je hnyat hom tusi, me ödrin e ve he ka hnyi ke taun me ke taun hnyi hnyei Eferaima me Manase ke ne o but hnyi Zebulona: me ödrin e hlumʼ ödrin me hiʼ ödrin.

Nehemia 4:1

KE a long ut Sanebalata a ohmun e op hak, me e ame hmonyin, me hmonyin gan hmâ, me hluma at Juda.

Jobu 31:34

Anyin a iny outen tavat ae se hia, Kʼ ame ne outhmoki nya hnen hûkötiö nya ge je lap, Mʼ oge me laba hnyibû, me ca he bi kâû—

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Jeremia 20:7

Iehova lö, u je hia but cubic nya, me oge me hmehmela: u hwege huk, me ame tom: iny taben ûhiö hnyi je bong hia, ame hlumö nya hnen ke at me ke at hnyi ta je bong hia.

Jeremia 38:22

Wâ bi, adre me he ka hom omomo hia a je kolon hnyi uma umen than Juda ka je taben anyin than Babulona, ke ame he je momo eling ka ha, ka habe, Haba je lawaem adre me iyawo u, ke ame tudra but: a didrut li cam hnyi hmudra, me adre me hmetu but.

Jeremia 38:5

Ke haingö Zedekia than, ka habe, Wâ bi, e but e hnyi je hnyamöbun: anyin ae ca khana bi than he ka ve e möbun.

Jeremia 39:9

Ke haba je kolon tavat a hnen biju hnyi taun, me tavat kec waleji adre me utut kâu, me keihen minya a je kolon ame hum ödra Nebuzaradana taben tavat tue, Babulona at

Ioane 12:42

Ke so bi e se hia ta je taben adre me labageju kâu; kʼ adre me ca ha manenâ bi, can ta je Faresaio, wâ adre nye obʼ ödra but ûnyi hnyi sunago:

Owisa 16:25

Ke ame senyin dut je hnyekudrin, me ödrin e ha, ka habe, Hawo Samasona me me ûhiö kötin. Me ödrin e hum Samasona ûnyi hnyi kalebus; me e ame ûhiö ködrin: ke ödrin e otilâ e hnyi wanben je hmolom.

Owisa 9:54

Me e ame ie hongot ka hidröu at ame hom tilâ anyin je ûnyi vat, me ha kâu, ka habe, Oc ut ânyâm hele vat me hlingö nya, wâ adre ne haiö nya, ka habe, Haniny momo. Me ame dâ oâ e hnen hidröu me e ame mokcu.

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.

I. Samuela 31:4

Me Saulo ame ba ka at ame hom tilâ anyin ta je ûnyi vat, ka habe, Oc ut ânyâm hele vat me dâoi nya kâu; wâ e nye o but tavat adre ca peritomonâ me dâoi nya, me okongu nya. Ke ame höcö at ame hom tilâ anyin je ûnyi vat; anyin ae gan hmâ anyin ot. Me haba Saulo ame hom hele vat me hamen ta takoû e.