Jeremia 38:17 - Iaai Bible 1901 (New Caledonia)

¹⁷ Ke haba Jeremia ame ha kö Zedekia, ka habe, Walang hna ha hnö Iehova Khongon sabaoth, Khongu Isaraela, ka habe, U je ne he ka je taben anyin than Babulona, u me he ka mot, ke adre me ca he ka thong taun ang ge meic; ke u me he ka mot me ânyâm lap;

Jeremia 38:17 ပူးပေါင်းရင်းမြစ်များ

Genese 12:13

Me ö u ha thö, ka habe, U hanik, mʼ inye so ûnyi gam, me me möt bi hanuk ûnyi gam.

II. Je Than 24:12

me ame he but Jehoiakin, me hinyen, me anyin je taben, me anyin je eunuka ka than Babulona: ke than Babulona ame hom e hnyi hunainy ka musi a eit.

II. Je Than 25:27

Ke haba hnyi huna a thote seveniny bâ a Jehoakin than Juda, hnyi tehi a twelviny, hnyi bong a twente seveniny tehi, me habâ Evile-merodak than Babulona ame ogöranyâ bö Jehoiakin than Juda ûnyi hnyi uma ceat hnyi huna a hwân hnyin he ka musi;

I. Man Ûlabainy Je Than. 17:24

Ke so ama tethmâ iâm me hnân ogânâ nyiele balua, madre me ha, ka habe, Haba Iehova tuhan sabaoth, e bi Khongon Isaraela, wale Khong ka at Isaraela: ke haba lap anyi Davita a athnyabaem adre hia but otethmâ hnyi hnyimâkâm.

Ezera 9:4

Me ödrin e ûkhacaköu hia thithö könya hnyat adre me öbubuny ge hofuc hwan Khongu Isaraela, can hulo anyin je aten bâ; ke oge me laba ot ke ne o but adre me hudo hnyi sahac.

Jobu 23:13

Ke khaca thibi ûnykûmânen, ke ewa at ame he bi ka wia e? Ke e ame ânyâ ûnyi e ame hnyok kâu.

Salamo 80:14

Khongon sabaoth lö, Ö u hmetu ju: Wâ ju ûnyi hnyi drany, me wâ me senâ vine ang,

Salamo 80:7

Khongon sabaoth lö, ohmetu ohmun ju; Ke omelamâ thö hnyimâkâm me ohmun e he ka möt.

Jeremia 27:12

Me oge me ha kö Zedekia than Juda helâ me ta je hofuc hia eling, ka habe, Hna but je nyibun ka hnyi hna ûhûkâlâköuâ anyin than Babulona, me bi athnyabainy, me iny hnyei me öbun e mot.

Jeremia 27:17

Ca ling ödra bi; bi athnyaba thö ka than Babulona me öbun e mot: anyin a ieû ame he ka ba wan taun ang?

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 38:2

Walang hna ha hnö Iehova, ka habe. Haba at ama laba bala bi hnyi taun ang, ame he ka mok ge hele vet, me hmiâ, me mok ae cap: ke haba at ame he ka he ka at Kaledaia, e ame he ka mot biju, ke ame he bi ka jekhon anyin mot, ke e ame he bi ka mot.

Jeremia 39:3

me ame didro je taben anyin than Babulona, me laba hnyi homagöule eû hnyi wanben, jia Neregale-sareza, me Samegara-nebo, me Sare-sekim, a Rab-saris, me Neregale-sareza, a Rab-mag, me ke je taben hia anyin than Babulona.

Jeremia 40:9

Ke haba Gedalia nöku Ahikama, nöku Safana ame khemanyin kodra, me je atödra me ha, ka habe, Ca ot öbun he ka bi athnyaba ka at Kaledaia: laba ju hnyi hnyei me bi athnyabainy than Babulona, me ame he ka hu so gabun.

Jeremia 44:7

Anyin a wale, walang hna ha hnö; Iehova, Khongon sabaoth, Khongu Isaraela, ka habe, Anyin a ieû öbun e ânyâ hulo ae gan hmâ eang me hnân jönibun bi, he ka subâ degeci öbun bi obaga me omomo, me je mendreng, me wanakat ame i, ûnyi hnyi wanben Juda, me me ba but kolon gabun;

Ezekiela 8:4

Ke wâ bi eling hmanenanginy Khongu Isaraela, helâ me hna omanenâ waleji oge me wâ hnyi dok ae tha hon.

Amosa 5:27

Anyin a wale, oge me he ka hum öbun ka hnyi bâ hnyi hoton Damaseko, haingo Iehova, Khongon sabaoth ien.