Jeremia 37:7 - Iaai Bible 1901 (New Caledonia)

⁷ Walang hna ha hnö Iehova, Khongu Isaraela, ka habe, Ha thʼ öbu ka than Juda, at a kunʼ öbu könya ka hnei nya, ka habe, Wâ bi, haba utbavat anyi Farao tavat adre me o he ka hadruʼ öbun, adre me he ka hmetu Aigupito ai ka hnyi idra.

Jeremia 37:7 ပူးပေါင်းရင်းမြစ်များ

II. Je Than 22:18

Ke haba than Juda at a kunʼ öbun he ka elöm Iehova, öbun e he ka ha helâng kâu, ka habe, Walang hna ha hnö Iehova Khongu Isaraela: haba ge ta je hofuc u je long,

II. Je Than 24:7

Ke ame ca o hmetu bi than Aigupito ûheny hnyi iny hnyei: anyin a than Babulona ame hia but hûgûnâ hia je hanymen than Aigupito, hwân hnyi wagewe Aigupito ke ne o but hnyi wagewe Euferati.

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Isaia 30:7

Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

Isaia 36:6

Wâ bi, u me labageju ka uci hlowe ae mita eû, wale Aigupito; ke e ka hlec hnyiban e ge at, me ame he ka dâoâ hnyamen: ke helâe Farao than Aigupito kodra hia adre me labageju kâu.

Jeremia 2:18

Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 2:37

Ke u me he ka he ûhem e me li hnyamâm hon bâm: anyin a Iehova ame hna degecâ ta je ûnyi u me geju kâu, ke u me ca he ka sot gadra.

Jeremia 21:1

WALANG hofuc ame o kö Jeremia ûnyi ga Iehova waleji hnyi hnö Zedekia than hna kunö Pasur nöku Malekia kâu, me Zefania nöku Maseia at bihut ame ha, ka habe,

Jeremia 21:2

Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 37:3

Haba Zedekia than ame kunö Jukala nöku Selemia, me Zefania, nöku Maseia at bihut, kö Jeremia perofeta me ha, ka habe, Ö u hic dö hobi kohmun kö Iehova Khonguta.

Jeremia 37:5

Ke ame o but utbavat anyi Farao ûhedra Aigupito: ke hnyi ûen ame khana e hnen at Kaledaia tavat adre me igigilo Jerusalema, me adre me vese but ûhedra Jerusalema.

Jeremia 37:6

Me ame o but hofuc ho Iehova kö Jeremia perofeta, ka habe,

Je tenge anyi Jeremi 1:7

Hnyi bonginy vec me hmak, Jerusalema ame ûnykûme Ta je ûnyi gan ae kese hwân hnyi je bong kâû ehac: Hnyi ûen ame ta anyin tavat ka hnyi hnyamen iwahnaihmiöny, ke ba at ame hadruâ e, Ame wâ e hnen je iwahnaihmiöny, adre me hlumâ ta je hna okongoâ e.

Je tenge anyi Jeremi 4:17

Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

Ezekiela 17:17

Ke ame ca he bi Farao me anyin utbavat ae gan hmâ, me anyin ûkhacaköu ae gan ka tha e mē hnyi vat, hnyi ûen adre okhibö kânâ göranyai, me up uma hnân tue, mʼ adre me subâ degecâ tavat ae se hia.

Ezekiela 29:16

Ke ame ca he hmetu ka hnân labageju kâu hnen lap anyi Isaraela, hnân oûnykûmeâ je hulo, ödra ka hwio kodra: ke adre me he ka wâ a inya Iehova.

Ezekiela 30:22

Anyin a wale, walang hna ha hnen Than Iehova, ka habe, Wâ bi, ûcûk u Farao than Aigupito, me oge me he ka thu li benyin, wale at ae hwege ke at minya adre hia but thu; ke oge me he ka okolo hele vat ûnyi hnyi hnyamen.