Jeremia 37:19 - Iaai Bible 1901 (New Caledonia)

¹⁹ Ke ewa anyibun je perofeta adre me perofeta köbun me ha, ka habe, Ame ca he than Babulona ka o köbun, me hnyei ang?

Jeremia 37:19 ပူးပေါင်းရင်းမြစ်များ

II. Je Than 3:13

Ke Elisaia ame ha ka than Isaraela, ka habe, Ieû gak köu? he bi thö ka je perofeta anyin kâmâm, me je perofeta anyin hinyâm. Ke haingen than Isaraela kâu, ka habe, Ohe, anyin a Iehova ame ûkhacaköuâ kun ta than eang he ka hnʼ ödrin ka hnyi hnyamen at Moaba.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 29:31

Ûkhûnöng dö ka je bâ hia me ha, ka habe, Walang hna ha hnö Iehova ge Semaia at Nehelami, ka habe, Anyin a Semaia ame perofeta köbun, ke oge ca kunâ, ke e ame olabageju öbun ka hnyi thoi;

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 8:11

Ke adre hia but ometo ûhnyûkongo aat hnân hlu a lakeik me ha, ka habe, Hnahic ut, hnahic ut; ke ba bi hnahic.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 13:2

Nokon at lö, perofeta thö ûcon ta je perofetainy Isaraela a tavat adre me perofeta, ke ha kodra tavat adre me perofeta ûnyi eû hnyi je hnyekudra bi, ka habe, Long ju öbun hofuc ho Iehova;

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Deuteronomi 32:38

At ame an pipikhenyainy anyidrin je hut, Me ijem wainainy je hudiny anyidrin ic? E so ödrin e köûö me hadruʼ öbun, Me bi hnabâ hnân hobi köbun.