Jeremia 36:9 - Iaai Bible 1901 (New Caledonia)

⁹ Ke haba hnyi huna a thabûngi Jehoiakima nöku Josea, than Juda, hnyi tehi a naininy, me ame haimemenâ he ka ânyâ ca han hnyi hnyimakö Iehova hnen tavat hia hnyi Jerusalema, me tavat hia tavat adre me he ûnyi hnyi je tauniny Juda Jerusalema ai.

Jeremia 36:9 ပူးပေါင်းရင်းမြစ်များ

II. Man Ûlabainy Je Than. 20:3

Ke haba Jehosafata ame ot me hwân he he ka elâm unyi Iehova: me otilâ he ka ca han ehe e hnyi Juda hia.

Nehemia 9:1

KE haba hnyi bong a twente foainy tehi ang ame ûkhacaköu thö lakon Isaraela me ca han, me mano ae gan nân, me konâm je bodrin ge kânâ.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Jeremia 36:1

KE haba hnyi huna a vaki Jehoiakima nöku Josea than Juda, me ame o but hofuc ang kö Jeremia ûnyi ga Iehova, ka habe,

Jeremia 36:22

Ke ame laba than hnyi uma honivakeny hnyi tehi a naininy; ke ame hlâ meic hnyi taben meic hnyi hnyimakan.

Jeremia 36:6

anyin a wale, he thö ka aû tusi waleji u je set ûnyi hnyi hnyimök, ta je hofuc ho Iehova ka hnyi je hnyikonyen tavat hnyi uma umö Iehova hnyi bonginy ca han: ke u me he minya ka aû ka hnyi hnyikonyen at Juda hia tavat adre me o ûnyi hnyi anyidra je taun.

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 1:14

Thu bongon ju he ka ca han, hawâ thö ûkhacaköu ae ûnyi hnathu; ûkhacaköu â thö wahingat me aten hnyei hia ka hnyi uma umo Iehova Khongubun, ke tenge thʼ öbun kö Iehova.

Levitiko 23:27

Haba hnyi bong a libenyitainy tehi eling a seveniny, ame he ka bong hnân bi hwaban möt: ke öbun e he ka hu ûkhacaköu ae kap, kʼ öbun e he ka hom ûhnyûkongoâ je hnyekubun; me hudo hut a an ge meic kö Iehova.

Jona 3:5

Ke haba at Nineve adre me kap Khong; me adre me haimemenâ he ka ânyâ ca han, ke adre me khavâ ec mano ae gan nân, hwân ge tavat ae gan ke ne o but houmonu.

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Owisa 20:26

Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.