Jeremia 36:7 - Iaai Bible 1901 (New Caledonia)

⁷ Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 36:7 ပူးပေါင်းရင်းမြစ်များ

II. Je Than 22:13

He thʼ öbun, me elâm unyi Iehova hnân hobi könya, me tavat, me Juda hia thithö ge onyen tusi ang adre wâ: anyin ae gan hmâ hmonyin anyi Iehova kötin, can a ca long hnen lakamötin hoton je hofuc hnyi tusi ang, he ka ânyâ hia hna sihnalimen gatin.

II. Je Than 22:17

can ödrin e hia but hna degeci nya, me leû uto ae bo so ka je khong, me ohmönyini nya ge ta je huliwa hia anyin je hnyamödrin, anyin a wale ame ubâhlâ thö anyik hmonyin ka dok ang, ke adre me ca he ka omoko.

II. Man Ûlabainy Je Than. 34:21

He thʼ öbun ka elâm unyi Iehova hobi könya, me je kolon hnyi Isaraela me Juda, ge hofuciny tusi adre wâ: ânyin ae gan hmâ hmonyin anyi Iehova adre hingâlâ kötin, can a ca vheno lakamötin hofuc ho Iehova, he ka ânyâ hia helâ me hna sihnalimen hnyi tusi ang.

Jeremia 1:3

Ke ame o minya hnyi bong bongu Jehoiakima nöku Josea, than Juda, ke ne o but hnyi obiny huna a eleveni Zedekia, nöku Josea than Juda; ke ne o but adre me hom hwenbâ at Jerusalema hnyi tehi a thabûnginy.

Jeremia 16:10

Ke hnyi ûen u me he ka haimemenâ ta je hofuc hia ang ka tavat ang, me adre me he ka ha köu, ka habe, Anyin a ieû Iehova ame ha gahmun ta je ûnyi ae kong hia thithö ae gan hmâ? ke ieû hwakecihmun ae kong? ke ieû hnöh-mun hna ânyâ kö Iehova Khonguhmun?

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 21:5

Ke haba inya oge me he ka vat möbun ge hnyam adre hai me beny ae hwege, me hnyi hmonyin me wathethot, me hmonyin ae gan hmâ.

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 26:3

Adre me ne he ka löng, me ve hmetu ûnyi hnyi dedra ta je gethen ae kong: me oge me he ka ietra ûnyi ae kong waleji oge ûnykûme he ka ânyâ kodra can ûkongon anyidra ta je huliwa.

Jeremia 36:3

Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.

Jeremia 37:20

Ke walang ang ö u na long ju könya than lö a tuhok: ö u na kap soâ ju hnok hna khöû hnyi hnyimâkâm; me u me ca kunö nya hmetu bi ka hnyi uma umö Jonathana at sihnalimen, wâ oge nye mokcu eling.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 42:2

me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Je tenge anyi Jeremi 4:11

Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

Ezekiela 12:3

Anyin a wale, nokon at lö, u ma penapena ta je ûnyi hnân sukhöûnâ, ke sukhöûnâ but hnyi lany hnyi hnyimakodra; ke u me he ka he thö ûnyi hnyi hnâm ka hnyi ke dok hnyi hnyimakodra: eja ke ne ödra lap ae ûkhin fuc, me adre ne he la ka ûnykûme.

Ezekiela 13:13

Anyin a wale, walang hna ha hnen Than Iehova, ka habe, Oge me he bi nya ka kia e ge weneû hnyi anyik wathethot; ke ame he ka gan we hnyi anyik hmonyin, me je veto we wahma hnyi wathethot he ka ohia e.

Ezekiela 20:33

Haingen Than Iehova, ka habe, kia inya inya a oge me he ka bi than hubun ge hnyam ae hwege me beny adre hai, me hmonyin adre hingâlâ:

Ezekiela 22:20

Adre me ûkhöûnâ sileva me bras me fao me led me tin hnyi wanben meic, me oû meic me me köiö but; ke helâe oge me he ka ûkhacaköu öbun hnyi anyik hmonyin me anyik wathethot, ke oge me he ka ip öbun eling me oköi öbun.

Ezekiela 5:13

Ame he ka hwâdâ helâe anyik hmonyin, ke oge me heʼ ka osekunâ hudra anyik wathethot, me inye menâ thö: ke ame he ka khanʼ ödra a inya Iehova oge me fuc hnyi anyik ciâ, iny ka hia but ohwâdâ anyik wathethot hudra.

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Daniela 9:13

Ke ame aat kohmun ta je ûnyi hia ae kong eang, helâ me hna sihnalimen hnyi hnanyibu anyi Mose: ke so bi öhmun e ca hia but sumâtâ betenge anyi Iehova Khonguhmun, me öhmun e hmetu ju ûnyi hnyi ta je hwakecihmun ae kong, me wâ ûnykûme ânyâm hnathu.

Daniela 9:18

Khonguk lö, tevehlöng ju me löng; hmak dö me wâ a ga ba but wan gahmun, me taun waleji adre wenyö kâu iâm: anyin a öhmun e ip anyihmun je khöû hnyi hnyimâkâm, ca anyin a öhmun wisa, ke ûnyi hnyi ânyâm ta je betenge ae gan hmâ.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Jona 3:8

ke adre me he ka khavâ tavat me meno ge mano ae gan nân, ke tenge hwege thʼ öbun ka Khong: eke, hamödra he ka ve hwio ûnyi hnyi dedra ta ge gethen ae kong, me ûnyi hnyi ûkonguny anyin je hnyamödra.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?