Jeremia 36:4 - Iaai Bible 1901 (New Caledonia)

⁴ Haba Jeremia ame hao Baruka nöku Neria; ke haba Baruka ame sihnalimen hia ûnyi hnyi hnyimö Jeremia ta je hofuc ho Iehova waleji e ame ha kâu, hnyi tusi adre vhec.

Jeremia 36:4 ပူးပေါင်းရင်းမြစ်များ

Isaia 30:8

Ke haba walang ang he thö, sihnalimen ju e hnyi taben hnyi hnyimakodra, me sihnalimen ju e hnyi tusi, me me e bi hnân hobi kâu je bong nyiele nyiele balua.

Isaia 8:1

KE haba Iehova ame ha könya, ka habe, U ma he ka hom veto ae gan ae lau, me sihnalimen hnyin e ge pen anyin at, ka habe, Hobi kâu Mahera-salala-hasa-baza;

Jeremia 25:13

Ke oge me he ka oâ ka hnyei eling ta je hofuc hia oge hia but ha gan, wale hna sihnalimen hia hnyi tusi ang, waleji hnö Jeremia perofeta ge ta je hnyei hia.

Jeremia 30:2

Walang hna ha hnö Iehova, Khongu Isaraela, ka habe, Sihnalimen ju hnyi tusi ta je hofuc hia wale oge me ha köu.

Jeremia 32:12

Me oge me ham tusiny ûcû kö Baruka nöku Neria, nöku Maseia, me hnyi hnyimakö Hanamela nöku cica, me hnyi hnyimakan tavat ohnatho tavat adre set iödra hnyi hna ûhihinyköu ge hna ûco, me hnyi hnyimakan tavat Juda hia tavat adre me laba hnyi hnyeuleny uma ceat.

Jeremia 36:14

Anyin a wale haba je taben hia ödrin e kunö Jehudi, nöku Nethania, nöku Selemia, nöku Kusi kö Baruka, he ka ha, ka habe, haba tusi waleji u je aû ka hnyi hnyikonyen tavat hia, hamâm he ka hom jem. Me haba Baruka nöku Neria ame hom tusi hnyi hnyamen, me he ködrin.

Jeremia 36:21

Me haba than ame kunö Jehudi he ka hom tusi; me e ame hom e ûnyi hnyi hnyeule anyi Elisama at sihnalimen. Ke haba Jehudi ame aû e ka hnyi li hnyikonyen than, me je taben hia tavat ödrin e tot unyin than.

Jeremia 36:23

Ke a hia but Jehudi aû je ke keihen ame ne kun ame ne vak, me e ame kave e ge hele delö pen, me khûâ ka hnyi meic wale hnyi taben, ke ne o but ame an dut tusi meic.

Jeremia 36:26

Ke haba than ame hûna kö Jeramela nokon than, me Seraia nöku Azeriela, me Selemia nöku Abedela he ka hum Baruka at sihnalimen me Jeremia perofeta: ke haba Iehova ame ikhölʼ ödru.

Jeremia 36:27

Me ame o but hofuc ho Iehova kö Jeremia, hwaban hna thong tusi ge than, me ta je hofuc waleji a sihnalimen Baruka ûnyi hnyi hnyimö Jeremia, ka habe,

Jeremia 36:28

U me he hmetu ka hom ke tusi me sihnalimen hnyin e ta je hofuc hia a bân waleji a e hnyi tusi a bân, wale a thong degecâ Jehoiakima than Juda.

Jeremia 36:32

Me Jeremia ame hom ke tusi me ham e kö Baruka at sihnalimen, nöku Neria; me e ame sihnalimen hnyin e ûnyi hnyi hnyimö Jeremia ta je hofucin tusi hia waleji a thong degecâ Jehoiakima than Juda hnyi meic: ke adre me bi hanen ke je hofuc ae se minya ka hnyin a helâe.

Jeremia 36:6

anyin a wale, he thö ka aû tusi waleji u je set ûnyi hnyi hnyimök, ta je hofuc ho Iehova ka hnyi je hnyikonyen tavat hnyi uma umö Iehova hnyi bonginy ca han: ke u me he minya ka aû ka hnyi hnyikonyen at Juda hia tavat adre me o ûnyi hnyi anyidra je taun.

Jeremia 43:3

anyin a haba Baruka nöku Neria, ame kunö u gahmun, he ka hnʼ ohmun ka hnyi hnyamen at Kaledaia, mʼ adre me he ka hlingʼ ohmun me hum ohmun a je bâ Babulona ai.

Jeremia 51:59

Walang hofuc ame hûna Jeremia perofeta kö Seraia, nöku Neria, nöku Maseia, waleji hnyi hnen hna tha he me Zedekia than Juda Babulona ai hnyi huna a vakiny anyin musi. Haba Seraia, me wale at muso hnyaban than.

Jeremia 51:60

Ke haba Jeremia ame sihnalimen hnyi tusi ta je ûnyi ae kong ame he ka o kö Babulona, wale ta je hofuc eang hia waleji adre me sihnalimen ge Babulona.

Ezekiela 2:9

Ke oge me wâ, ke wâ bi, ame inâ ke hnyam könya; ke wâ eû hnyin ke tusi adre vhec;

Daniela 7:1

HNYI huna a bâni Belesaza than Babulona, Daniela ame bwi, ke hu ûnyi ame manen kâu hon hnen hna mokut: me e ame sihnalimen bwi, me ha önyen ta je ûnyi.

Zakaria 5:1

KE inya hmetu oge me bwela me wâ, ke wâ bi tusi adre vhec at ame gâ.

Roma 16:22

Inya Teretio at ame sihnalimen tusi eang oge me italofa möbun hnyi Than.