Jeremia 36:32 - Iaai Bible 1901 (New Caledonia)

³² Me Jeremia ame hom ke tusi me ham e kö Baruka at sihnalimen, nöku Neria; me e ame sihnalimen hnyin e ûnyi hnyi hnyimö Jeremia ta je hofucin tusi hia waleji a thong degecâ Jehoiakima than Juda hnyi meic: ke adre me bi hanen ke je hofuc ae se minya ka hnyin a helâe.

Jeremia 36:32 ပူးပေါင်းရင်းမြစ်များ

Esodo 34:1

KE Iehova ame ba kö Mose, ka habe, U me he ka delâ li veto ae lau helâ me li veto a bân, ke oge me he ka sihnalimen hon li veto ae lau ta je hofucin li veto ae lau a bân, waleji u je thö.

Jeremia 36:18

Me ame ha ködrin Baruka, ka habe, E ame ha könya ge hnyimen ta je hofuc hia e, me oge me sihnalimen hnyi tusi ge köiö sisit.

Jeremia 36:23

Ke a hia but Jehudi aû je ke keihen ame ne kun ame ne vak, me e ame kave e ge hele delö pen, me khûâ ka hnyi meic wale hnyi taben, ke ne o but ame an dut tusi meic.

Jeremia 36:4

Haba Jeremia ame hao Baruka nöku Neria; ke haba Baruka ame sihnalimen hia ûnyi hnyi hnyimö Jeremia ta je hofuc ho Iehova waleji e ame ha kâu, hnyi tusi adre vhec.

Daniela 3:19

Me ame unöngötö Nebukaneza ge hmonyin, ke ke bongon bi hnyimakan kö Saderaka, ke Mesaka, ke Abedenego: ke e ame fuc me hûna kodra a gʼ adre me he ka oseven okahwa meic hon hnödra hna labö okahwa e.

Daniela 7:1

HNYI huna a bâni Belesaza than Babulona, Daniela ame bwi, ke hu ûnyi ame manen kâu hon hnen hna mokut: me e ame sihnalimen bwi, me ha önyen ta je ûnyi.

Levitiko 26:18

Ke öbun e ne ca he bala ka ling nya can ta je ûnyi eling, me oge me be bi nya ka oseven kuc öbun can anyibun je hulö.

Levitiko 26:21

Ke öbun e ne he ka hna degeci nya, me höcö ling nya, me oge me he ka oseven oâ köbun je mok hoton anyibun je hulö.

Levitiko 26:24

me oge me he bi nya ka digic öbun; ke oge me he ka oseven kuc öbun can anyibun je hulö.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Roma 16:22

Inya Teretio at ame sihnalimen tusi eang oge me italofa möbun hnyi Than.

Hna Omanenâ 22:18

Inya oge me ha wia ka tavat hia adre me löng ta je hofuc adre me perofeta hnyi tusi ang, ka habe, A ne he bi ke at ka bi hanen ta je hofuc e, me ame he minya Khong ka bi hanen kâu ta je mok adre sihnalimen hnyi tusi ang: