Jeremia 36:23 - Iaai Bible 1901 (New Caledonia)

²³ Ke a hia but Jehudi aû je ke keihen ame ne kun ame ne vak, me e ame kave e ge hele delö pen, me khûâ ka hnyi meic wale hnyi taben, ke ne o but ame an dut tusi meic.

Jeremia 36:23 ပူးပေါင်းရင်းမြစ်များ

I. Je Than 22:27

me ha, ka habe, Walang hna ha hnen than, ka habe, Ip dö at ang hnyi uma ceat, me han ge aretoiny vec me köien vec, ke ne o but oge me o me hnahic.

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

Salamo 50:17

Anyin a u me höciâ hna ûne, Me degec hotom ai hok ta je hofuc.

Ta je Vejec 1:30

Ke adre me ca wedra anyik musi; Kʼ adre me hmiödra hia hnok hna ûnö;

Ta je Vejec 13:13

Haba at ame hûkötiâ hofuc, me ame okongoâ e bi: Ke ame he ka hu troban ge at ame outen hnanyibu.

Ta je Vejec 19:21

E se hia ûnykûme eû hnyi hnyekon at; Ke ame he ka tethmâ musi anyi Iehova,

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Ta je Vejec 5:12

Ke u me he ka ha, ka habe, Nakaik ge hna ûne oge hmiök, Me hna unö a höciâ ge hnyekuk;

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 36:27

Me ame o but hofuc ho Iehova kö Jeremia, hwaban hna thong tusi ge than, me ta je hofuc waleji a sihnalimen Baruka ûnyi hnyi hnyimö Jeremia, ka habe,

Jeremia 36:28

U me he hmetu ka hom ke tusi me sihnalimen hnyin e ta je hofuc hia a bân waleji a e hnyi tusi a bân, wale a thong degecâ Jehoiakima than Juda.

Hna Omanenâ 22:19

ke a ne ke at ame ohia ke ong hofuc adre perofeta hnyi tusi ang, me ame he Khong ka ohia jekhon hnyi ûöiny möt, me ûnyi hnyi taun ae kap, wale adre me sihnalimen hnyi tusi ang.