Jeremia 36:2 - Iaai Bible 1901 (New Caledonia)

² Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 36:2 ပူးပေါင်းရင်းမြစ်များ

Ezera 6:2

Me adre me wâ hnyi Akemetha, hnyi uma umen than hnyi hnyei Madai, tusi adre vhec, kʼ adre me hia but sihnalimen hnyin hofuc hnân oûnykûmeâ, ka habe,

Jobu 31:35

E na he ju ke at ka ling nya! (Wâ bi, walang hatök, e so ame he Ataekhanahia ka thu könya;) E na hu gak hna sihnalimen hnen at ame iwahnaihmiony mönya!

Salamo 40:7

Ke haingök, Wâ ju, inya ang: Adre me sihnalimen gak hnyi tusi adre vhec:

Esodo 17:14

Ke Iehova ame ha kö Mose, ka habe, Sihnalimen ju hnyi tusi hnân oûnykûmiâ, ke nâ thö aû kö Josua: a oge me he ka ti ohia at Amaleka mʼ adre me ca he ka ûnykûme hmetu gadra eang hmelen.

Isaia 8:1

KE haba Iehova ame ha könya, ka habe, U ma he ka hom veto ae gan ae lau, me sihnalimen hnyin e ge pen anyin at, ka habe, Hobi kâu Mahera-salala-hasa-baza;

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 1:5

Oge bok ka ö u, ke ödra tiga ca up u hnyi hnyok, ke oge bok ka okabi u, ke u tiga ca o bi ûhem hnyi hnyok; oge hia but ip u hnân peropeta ka ta je hnyei.

Jeremia 1:9

Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Jeremia 2:4

Lap anyi Jekob lö, long ju hofuc ho Iehova, me öbun je lap hia hnyi lap anyi Isaraela:

Jeremia 25:3

Hwân hnyi huna a thötini Josea nöku Amona than Juda, ke ne o but hnyi bong ang, wale hnyi huna a twente theri, ame o but könya hofuc ho Iehova, me oge hia but ha köbun, me labö vesâ kong me ha, ke öbun e ca löng bi öbun.

Jeremia 30:2

Walang hna ha hnö Iehova, Khongu Isaraela, ka habe, Sihnalimen ju hnyi tusi ta je hofuc hia wale oge me ha köu.

Jeremia 36:14

Anyin a wale haba je taben hia ödrin e kunö Jehudi, nöku Nethania, nöku Selemia, nöku Kusi kö Baruka, he ka ha, ka habe, haba tusi waleji u je aû ka hnyi hnyikonyen tavat hia, hamâm he ka hom jem. Me haba Baruka nöku Neria ame hom tusi hnyi hnyamen, me he ködrin.

Jeremia 36:18

Me ame ha ködrin Baruka, ka habe, E ame ha könya ge hnyimen ta je hofuc hia e, me oge me sihnalimen hnyi tusi ge köiö sisit.

Jeremia 36:23

Ke a hia but Jehudi aû je ke keihen ame ne kun ame ne vak, me e ame kave e ge hele delö pen, me khûâ ka hnyi meic wale hnyi taben, ke ne o but ame an dut tusi meic.

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 36:6

anyin a wale, he thö ka aû tusi waleji u je set ûnyi hnyi hnyimök, ta je hofuc ho Iehova ka hnyi je hnyikonyen tavat hnyi uma umö Iehova hnyi bonginy ca han: ke u me he minya ka aû ka hnyi hnyikonyen at Juda hia tavat adre me o ûnyi hnyi anyidra je taun.

Jeremia 45:1

WALANG hofuc ame ha Jeremia perofeta kö Baruka, nöku Neria, waleji hnyi hnen hna sihnalimen ta je hofuc ang hnyi tusi ûnyi hnyi hnyimö Jeremia, hnyi huna a vaki Jehoiakima nöku Josea than Juda, ka habe,

Jeremia 51:60

Ke haba Jeremia ame sihnalimen hnyi tusi ta je ûnyi ae kong ame he ka o kö Babulona, wale ta je hofuc eang hia waleji adre me sihnalimen ge Babulona.

Ezekiela 2:9

Ke oge me wâ, ke wâ bi, ame inâ ke hnyam könya; ke wâ eû hnyin ke tusi adre vhec;

Hosea 8:12

Oge ne sihnalimen kâu anyik hnanyibu me je ûnyi hnân nâ a ten thauzan, me adre me ûnykûme e me ûnyi a ca ûnyi hnathu.

Deuteronomi 31:24

Ke Mose ame umo sihnalimen ta je hofucin hnanyibu eang hnyi tusi, ke ne o but ame um dö,

Heberu 10:7

Me oge me ha, ka habe, Khong lö, wâ bi oge o but (adre me sihnalimiʼ nya hnyi tusi adre vhec) He ka ânyâ wem.