Jeremia 34:5 - Iaai Bible 1901 (New Caledonia)

⁵ u me he ka mok wia, ke adre me he ka le hobi köu helâ me hna le hobi kâu lakâmâm, je than a bân hnyi ûen ae tiga hiö u; ke adre me he ka tenge thungaû gam me ha, ka habe, Ekölö ge than! anyin oge hia but ha, haingö Iehova.

Jeremia 34:5 ပူးပေါင်းရင်းမြစ်များ

II. Je Than 22:20

Wâ bi, anyin a wale, oge me he ka ûkhacaköuö u tha e me lakâmâm, ke adre me he ka ûkhacaköuö u ka hnyi erkemok kʼ u hnahic, ke ame ca he li emâkâm ka wâ ta je ûnyi hia ae kong oge me he ka oâ ka hnyi dok ang. Me ödrin e hmeto je hofuc eling ka than.

II. Man Ûlabainy Je Than. 16:14

Me adre me konâm hnyi anyin hing erkemok waleji e ame hia but thu hnân hobi kâu e bi hnyi taun anyi Davita, me ip ju e hnyi hnen hna mokut dok adre öunongöta ge basama, me ke je ûnyi adre me ûhaniken hoton metâiny at ame huliwan je bubuny ke gan hmâ hnödra hna leû utö ae bo so hobi kâu.

II. Man Ûlabainy Je Than. 34:28

Wâ bi oge me he ka ûkhacaköuö u tha e me lakâmâm, ke adre me he ka ûkhacaköu u ka hnyi erkemok me hnahic, ke ame ca he li emâkâm ka wâ ta je ûnyi hia ae kong, oge me he ka oâ ka hnyi hon dok ang, me tavat adre me labā e. Me ödrin e hmeto hofuc ka than.

Jeremia 22:18

Anyin a wale, walang hna ha hnö Iehova ga Jehoiakima nöku Josea, than Juda, ka habe, Adre me ca he ka tenge gan me ha, ka habe, Ekölö ge keik! Ke ekölö ge hanik! ke ekölö ge anyin hmanenang!

Jeremia 34:4

Ke so bi, Zedekia than Juda lö, löng ju hofuc ho Iehova: walang hna ha hnö Iehova gam, ka habe, U me ca he ka mok ge hele vat;

Je tenge anyi Jeremi 4:20

Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

Ezekiela 17:16

Haingen Than Iehova, ka habe, Kia inya inya, e hnathu hnyi dok ame laba hnyin than, at ame othanâ e, ke e ame hûkotiâ hnen hna khemanyin me thamuâ anyin ûhihinyköu, e ame he ka mok gan hnyi wanben Babulona.

Daniela 2:46

Me haba Nebukaneza than ame ta ju hnyikânâi me nom kö Daniela, me ûkhû-nöng he ka ham bwihlany me je ûnyi ae bo so kâu.

I. Samuela 31:12

me ame todrö tavat hwege hia, me he hnyi lit, me hom unyi Saulo, me unyin ta lakon a kun ûnyi hnyi hna up hak veto hnyi Bethe-san; me ödrin e o hnyi Jabesi, me thong degecâ je unyin eling.