Jeremia 34:3 - Iaai Bible 1901 (New Caledonia)

³ ke u me ca he ka kec gan, ke e hnathu adre me he ka kot u, me hnö u ka hnyi hnyamen; ke u me he ka ûhnyimâkâmköu me than Babulona, ke öbu me he ka ifucköu, ke u me he ka he Babulona ai.

Jeremia 34:3 ပူးပေါင်းရင်းမြစ်များ

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 27:22

adre me he ka hom ta je ûnyi e Babulona ai, ke ame he ka hnen ling ke ne o but hnyi bong oge me he ka senʼ ödra hnyin, haingö Iehova; me oge me he ka hom ta je ûnyi e me ohmeto ka hnyi dok ang.

Jeremia 32:28

Anyin a wale, walang hna ha hnö Iehova, ka habe, Wâ bi, oge me he ka ham taun ang ka hnyi hnyamen at Kaledaia me hnyamö Nebukaneza than Babulona, me e ame he ka hûgûnâ e:

Jeremia 32:3

Anyin ame ip e Zedekia than Juda hnyi uma ceat me ha, ka habe, Ieû gam u me perofeta me ha, ka habe, Walang hna ha hnö Iehova, ka habe, Wâ bi, oge me he ka hna taun ang ka hnyi hnyamen than Babulona, ke e ame he ka hûgûnâ e;

Jeremia 32:4

ke ame ca he bi Zedekia than Juda ka kec ge at Kaledaia, ke e hnathu adre me he ka hna e ka hnyi hnyamen than Babulona, ke ödru me he ka ifucköu me iohnyimak;

Jeremia 34:21

Ke oge me he ka ham Zedekia than Juda me anyin je taben ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra, me ka hnyi hnyamen utbavat anyin than Babulona, tavat adre me he hââng ûhedra unyibun.

Jeremia 34:4

Ke so bi, Zedekia than Juda lö, löng ju hofuc ho Iehova: walang hna ha hnö Iehova gam, ka habe, U me ca he ka mok ge hele vat;

Jeremia 37:17

me haba Zedekia than ame ûkhûnöng he ka hawâ e: ke than ame hnö duöngâ e hnyi umen uma me ha, ka habe, Hawa, e hu hofuc ûnyi ga Iehova? Ke haingö Jeremia ame ha, ka habe, E hu, Ke e ame ha minya, ka habe, Adre me he ka hnö u ka hnyi hnyamen than Babulona.

Jeremia 38:18

ke u je ne ca he ka je taben anyin than Babulona, me adre me he ka hna taun ang ka hnyi hnyamen at Kaledaia, ke adre me he ka thong ge meic, ke u me ca he ka kec gadra.

Jeremia 38:23

Ke adre me he ka hom je lââiâm me je lakom ka at Kaledaia: ke u me ca he ka kec gadra, anyin ame he ka kot u hnen than Babulona: ke u me he ka thong taun ang ge meic.

Ezekiela 12:13

Ke oge me he ka lau ûtök ert hon e, ke e ame he ka hnok hnyi anyik hnewe: ke oge me he ka hom e Babulona ai, ka hnyi hnyei at Kaledaia: ke so bi, e ame ca he ka wâ e, ke e ame he ka mok e.

Ezekiela 17:15

Ke e ame ûkhin fuc mē, me kunâ anyin je ûthumetu Aigupito ai, mʼ adre me he ka ham kâu je hors me tavat ae se hia. Hawa, e ame he ka hnahic? ame he at ame ânyâ ta je ûnyi e ka möt? hawa e ame he ka thamuâ ûhihinyköu, ke möt bi?

Ezekiela 17:16

Haingen Than Iehova, ka habe, Kia inya inya, e hnathu hnyi dok ame laba hnyin than, at ame othanâ e, ke e ame hûkotiâ hnen hna khemanyin me thamuâ anyin ûhihinyköu, e ame he ka mok gan hnyi wanben Babulona.

Ezekiela 21:25

Ke haba u, at adre me ti kot monoâ lö, a u at ae kong, tuhan Isaraela, kʼ ame o but bongom bong, hnyi ûen adre umö hwakecin ae kong;;