Jeremia 34:18 - Iaai Bible 1901 (New Caledonia)

¹⁸ Ke oge me he ka ham ka tavat a tavat hanyâûâ anyik ûhihinyköu, waleji adre ca ohwâdâ hofucin ûhihinyköu waleji adre ânyâ hnyi hnyimakök, waleji hnyi hnödra hna subâ luâ nokon kau, me he hnyi wanben li ke keihen e;

Jeremia 34:18 ပူးပေါင်းရင်းမြစ်များ

Genese 15:10

Me e ame hom ta je ûnyi hia e, me kia luâ bi hnyi wanben, me ip ûöûco je ve ec ke keihen: ke a ca hnyi kia luâ li meno ame gâ.

Genese 15:8

Me e ame ha, ka habe, Than Iehova lö, ieû haten könya a oge me he ka tren e?

Salamo 50:1

HABA Khong, a Khong Iehova ame hia but fuc, Me hawâ hmeledrany ûnyi hnyi hna o hnen seûno ke ne o but hnyi hnen hna dit.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

Deuteronomi 17:2

Adre me ne wâ unyâm, hnyi je hnyabam a ham köu Iehova Khongom, ke at, ame ne baga, ame ne momo, ame ânyâ hulö hnyi hnyimakö Iehova Khongom, kʼ ame hanyâûâ anyin ûhihinyköu,

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Josua 7:11

E kong hwakecin at Isaraela; anyin a ödrin e hia but hanyâûâ anyik ûhihinyköu waleji oge hûna ködrin: ke ödrin e hia but hom ûnyi adre nyiboâ me venöu me iyawö minya, me ödrin e hia but ip e me je omjehedrin.