Jeremia 34:16 - Iaai Bible 1901 (New Caledonia)

¹⁶ ke so bi öbun e hwio hmetu me okongoâ iök, me ve ohmeto je athnyaba obaga me omomo, waleji öbun e hna baûâ hoton wedra; ke öbun e musi ödra, he ka bi athnyaba obaga me omomo.

Jeremia 34:16 ပူးပေါင်းရင်းမြစ်များ

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Jeremia 34:11

ke hwaban e adre me hwio me ohmeto je athnyaba obaga me omomo, waleji adre hna baûâ, me thalu ödra, mʼ adre me je athnyaba hmetu obaga me omomo;

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Ezekiela 3:20

Ke haba khaca, ame ne hmetu thö at ae wisa ûnyi hnyi hwakecin ae wisa, me ânyâ hulo, ke inya oge me ip ûnyi hnân öthöâ hnyi hnyimakan, me e ame he ka mok: e ame he ka mekiny anyin hulo, kʼ adre me ca he ka ûnykûme hwakecin ae wisa e ame ânyâ, anyin a u je ca koû kâu; kʼ oge me he bi nya ka elâm dren gam.

Ezekiela 39:7

Ke oge me he ka omanenâ iök ae kap hnyi wanben ik hnyei a Isaraela; ke oge me ca hnʼ ödra hmetu he ka haikongoâ iök ae kap: ke ame he je hnyei ka wâ a inya Iehova a kabi Isaraela.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Malaki 1:12

Ke öbun e okongoâ e, anyin a öbun e ha, ka habe, E kong ut laulau anyi Iehova, ke ikiki je wan ke jeû hon e.

Malaki 1:7

Anyin a öbun e hudo areto ae kong hon anyik taben hut. Ke haingöbun, ka habe, Ieû ohmun e okongu u hnyin? Anyin öbun e ha, ka habe, Haba laulau anyi Iehova, me ûnyi hnân hûkötiâ.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.