Jeremia 34:14 - Iaai Bible 1901 (New Caledonia)

¹⁴ Hyni obiny je huna a seven u me he ka hna liamekeiny möu a at Heberu, waleji u je ûco, ke a bi athnyabaem hnyi siks ta huna, u me he ka hna baûâ e: ke haba je lakamöbun adre me ca ling nya, me tevehling nya.

Jeremia 34:14 ပူးပေါင်းရင်းမြစ်များ

I. Je Than 21:25

(Ke ba at helâ me Ahaba, wale ame ka ûco e he ka ânyâ hulö hnyi hnyimakö Iehova, kʼ ame âjöngö e âiân jia Jezebela.

I. Je Than 9:22

Ke Solomona ame ca hawâ lakon Isaraela he ka ânyâ anyin ta je huliwa: ke ödrin bi tavat vat, me je athnyabainy, me je taben, me je homakan, me tavat muso anyin je kariota, me tavat tabö hors.

II. Man Ûlabainy Je Than. 28:10

Ke walang ang öbun e ûnykûme he ka hom ûhnyûkongo je lakon Juda me Jerusalema mʼ ödrin e lathnyabaibun obaga me omomo: ke hawa, e ba hnobun hna hanyâûâ ga Iehova Khongubun?

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Jeremia 11:7

Anyin oge ha hwegiâ ka lakamöbun hnyi bong oge hum ödra hnyin ûnyi hnyi hnyei Aigupito, ke ne o but hnyi bong ang, me vesâkong me ha hwegiâ, ka habe, Löng ju ifucik.

Jeremia 32:30

Anyin a haba lakon Isaraela me lakon Juda, adre me ânyâ thibi ûnyi ae kong hnyi hnyimakök, hwân kʼ ödra tiga hidröu: anyin a lakon Isaraela adre me labö ohmönyini nya ge ta je huliwa anyin je hnyamödra, haingö Iehova.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Ezekiela 20:4

Hawa, nokon at lö, u me he ka owisa kodra, hawa u me he ka owisa kodra? omanenâ thöʼ kodra je hwakecin ae ikiki anyin lakamödrin:

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Levitiko 25:10

Ke öbun e he ka okabâ huna a fifteiny, me haimemenâ he ka thang aten hnyei a tavat adre me labâ e: ame he ka jubeli hobi köbun; ke öbun e he ka ve hmetu ka hnyi je ibun, me ve hmetu ka anyibun je lap.

Amosa 2:6

Walang hna ha hnö Iehova, ka habe, Can kun ta monuiny Isaraela, eke, can vak, me oge me ca he ka ohavâ hwaban e; anyin adre hia but ûco at ae so hwaban sileva, ke at ae theduoc hwaban li tangen hnyeûca:

Amosa 8:6

mʼ ate me ûco tavat ae ba ta ûnyi, hwaban sileva, ke at ae theduoc hwaban li tangen hnyeûca, ke ûco ta je tiren hwit.

Roma 7:24

Ekölö gak, iny at ae kong ut! ie at ame he ka hûgûnö nya ûnyi hnyi unyin eang ae mok?

Deuteronomi 15:1

KE haba hnyi obiny huna a seven, me u me he ka hna baûâ.

Deuteronomi 15:12

Ke adre ne ûco köu ke at Heberu a liamekeiny möu, ame ne baga, ame ne momo, kʼ ame ne bi athnyabaem hnyi je huna a siks; me hamâm he ka hna baûâ e ûheny unyâm hnyi huna a seveniny.

Deuteronomi 15:9

Wâ eâu, wâ e nye hu ûnykûme ae kong eû hnyi hnyekom, me ha, ka habe, E hakekeny jut huna a seveniny, a hunainy hna baûâ; me ame kong emakâm ka liamekeiny mou ae theduoc, me ca ham ûnyi bi kâu; ke e ame he ka tenge kö Iehova gam, mʼ u me hulö but.