Jeremia 33:9 - Iaai Bible 1901 (New Caledonia)

⁹ Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 33:9 ပူးပေါင်းရင်းမြစ်များ

II. Man Ûlabainy Je Than. 20:29

Ke ame outen Khong hnen je dökhuiny je hnyei, e ka khanʼ ödrin a Iehova ame vat e tha hien me Isaraela.

Nehemia 6:16

Ke a long ut je iwahnaihmiony möhmun hia, haba ta je hnyei hia igigili ohmun adre me ot me hmak hmonyin: anyin adre me wâhmakhmeto a gʼ adre ânyâ huliwa e ge Khongutin.

Esetera 8:17

Ke haba hnyi je ke keihen hnyei hia, me je taun hia a o ka hnyin hnanyibu me hofuc hwan than, me ame senyin me hobâ at Juda, ke e hu bijeû me bong ae so. Ke se hia tavat aten hnyei adre me hnyi hanen hmi Juda; kʼ adre me outen at Juda.

Salamo 130:4

Ke u thibi at ame thang degecâ, Mʼ adre me he ka outö u.

Salamo 40:3

E ame ip hnyi hnyimök khumöng ae teb ûnyi, wale he ka ogânâ Khonguta: Ame he tavat ae se ka wâ, me ot, Me geju kö Iehova.

Isaia 43:21

waleji tavat oge me op hobi könya bi, mʼ adre me he ka oganö nya.

Isaia 55:13

Ame he ka kû kop hwaban watetaföcö, ke ame he ka kû adasi hwaban iwadekong: ke e ame he ka hnân ien kö Iehova, me hnân haten nyiele balua, ke adre me ca he ka subâ degecâ.

Isaia 60:5

Me u me he ka wâ me senyin, ke ame he hnyekom ka öbubuny me hlau; anyin adre me he ka wia köu tang omjeû ûnyi hnyi köiö, ke adre me he ka hom köu tang omjeûiny je hnyei.

Isaia 62:1

HABA can bi ge Ziona, me oge me ca he ka laba hnyibû, ke can bi ge Jerusalema, me oge me ca he bi ka menâ, ke ne o but ame o but hwakecin ae wisa helâ me lany, me anyin ûhomeli helâ me okûnû ae umumelam.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Isaia 62:7

ke ca hna but kâu he ka menâ, ke ne o but e ame otilâ, me ke ne o but e ame wia Jerusalema hnân ogânâ hnyi hmeledrany.

Isaia 64:2

helâ me meic ame vâc je ong utö, me ame citröu köiö ge meic: he ka omanenâ iâm ka ta je iwahnaihmiony möu, me me öbubuny je hnyei hnyi hnyimâkâm!

Jeremia 13:11

Anyin ame kece wen ka hnyi hnyin at, helâe oge hia but okeceâ könya lap hia anyi Isaraela, me lap hia anyi Juda, haingö Iehova; mʼ adre me he ka hnân lakeik, me iök, me ogânâ, me hmanenang: ke adre me höcö long.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 24:6

Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 29:1

WALANG onyen tusi wale a kunâ Jeremia perofeta ûheny Jerusalema ka ta je kolon wale a wahingatiny je bâ, me tavat bihut, me ta je perofeta, me tavat hia, waleji hnö Nebukaneza hna hom ûheny Jerusalema Babulona ai:

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Jeremia 31:14

Ke oge me he ka osekunâ tavat bihut ge pipikhenya, ke oge me he ka osekunâ lakeik ge soik, haingö Iehova.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 32:42

Anyin a walang hna ha hnö Iehova, ka habe, Oge me he ka oâ ködra ta je so hia oge hia but ha bânâ ködra, helâji me hnok hna oâ ta je ûnyi hia eang ae kong ka tavat ang.

Jeremia 33:14

Wâ bi, ame he ka o je bong, haingö Iehova, me oge me he ka ohwâdâ hofuc ae so waleji oge ha ge lap anyi Isaraela me lap anyi Juda.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 44:8

me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Jeremia 49:25

Ieû adre ca hna degecâ gan taun ae lung, taun oge me senyin kâu?

Ezekiela 26:20

hnyi ûen eling, oge me he ka ohnyikânâi u tha u me tavat adre me utut kâû ka hnyi thop, ka tavat kâû adrem, me ip u hnyi dok a hnyikânâiny hmeledrany, hnyi je dok ae ba aten ehac, tha u me tavat adre me utut ka hnyi thop, me me ca labö u hmetu hnen tavat; ke oge me he ka ip hmanenang hnyi hnyei iny tavat ae möt:

Ezekiela 36:35

Ke adre me he ka ha, ka habe, Haba hnyei ang waleji ae ba wan, me ûcû bi me hnyei Edena; ke adre up haginy me labâ je taun waleji ae ba wan, me ba aten, me ve ta ûnyi.

Ezekiela 39:13

Eke, ame he tavat hia thithö hnyi hnyei ka hnyi konim ödra; ke ame he ka hnân olungi ödra hnyi bong adre me oganö nya hnyin, haingen Than Iehova.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Zakaria 1:17

Hongot hmetu thö, me ha, ka habe, Walang hna ha hnö Iehova tuhan sabaoth, ka habe, Ame he ka se hia hmetu anyik je taun ûnyi ge hnahic; ke ame he hmetu Iehova ka otubwelâ Ziona, me senyin ka Jerusalema.

Zakaria 12:2

Walang hna ha hnö Iehova at ame ulolo drany kʼ ame bi taben hmeledrany, me op hanon at eû hnyi hnyekon, ka habe, Wâ bi oge me he ka wia Jerusalema hnân kaiainy ta tot ka je hnyei hia igigilo, ke haba khaca me ame he ka e hon Juda hnyi hna igigilo Jerusalema.

Deuteronomi 30:5

ke ame he Iehova ka hum u ka hnyi hnyei a labā lakâmâm mʼ u me he ka labā, ke e ame he ka osoi u, me osehiö u hon je lakâmâm.