Jeremia 33:7 - Iaai Bible 1901 (New Caledonia)

⁷ Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 33:7 ပူးပေါင်းရင်းမြစ်များ

Salamo 126:1

HNYI hna ohmetu Ziona ga Iehova ûheny hnyi hna bâ, Öta ûcû me tavat adre me bwi.

Salamo 126:4

Iehova lö, hmetu ju kohmun ta je bâ, Helâ me ta je wekhet hnyi Hwaiöu.

Salamo 14:7

E na he ju möt kö Isaraela ûheny Ziona! E ka be Iehova ka ohmeto lakeiny ûhedra hnyi hnabâ. Me ame he Jekob ka senyin, kʼ ame he Isaraela ka hobâ.

Salamo 85:1

IEHOVA lö, u je hia but betenge ka em hnyei: U je hia but ohmetuhmetu Jekob ûheny hnyi hna bâ.

Isaia 1:26

ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Isaia 52:8

Ifucin tavat tue unyâm! adre me hongot goranyai, adre me tha khumöng; anyin adre me he ka wâ, me iohnyimaköu, hnyi hnö Iehova hna ohmetu Ziona.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 24:6

Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 30:18

Walang hna ha hnö Iehova, ka habe, Wâ bi, oge me he ka ohmeto je uma mano umö Jekob adre hom, me betenge ge hnyaban; ke adre me he ka otilâ taun hon hna hagutâ e, ke ame he ka tot uma umen than hoton bongon e.

Jeremia 30:20

Ke ame he lakudra ka helâ me ehac, ke ame he ka tethmâ anyidra ûkhacaköu hnyi hnyimakök, ke oge me he ka bi hwaban kodra hia adre me sedʼ ödra.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 31:28

Ke helâ me hnok hna tuʼ ödra he ka oc, me kia, me hagutâ, me ohia, me ovecâ; helâe oge me he ka tuʼ ödra he ka op goranyai, me tä, haingö Iehova.

Jeremia 31:38

Wâ bi, ame he ka o je bong, haingö Iehova, me adre me he ka op taun hobi kö Iehova, hwân hnyi tap ae beû goranyai tabô Hananel, ke ne o but hnyi homagouleny kop.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Jeremia 50:4

Hnyi je bong eling me ûen e, haingö Iehova, ame he ka o je lakon Isaraela, tha ödra me je lakon Juda, adre me he ka he me tenge tot, me elom Iehova Khongudrin.

Je tenge anyi Jeremi 4:22

Hluiny Ziona lö, a hwâdâ but hna bi hwaban ânyâm hulo; E ame ca he hmetu ka hwenbö u ehele: Hluiny Edoma lö, e ame he ka senâ ânyâm hulo; E ame he ka omanenâ je hwakecâm ae kong.

Ezekiela 39:25

Anyin a wale, walang hna ha hnen Than Iehova, ka habe, Oge me he walang ang ka ohmetu Jekob ûheny hnyi hna bâ, me betenge hia ge lap anyi Isaraela; me oge me he bi nya ka ciâ can iök ae kap.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Zefania 3:20

Ke hnyi ûen eling oge me he ka hum öbun, ke hnyi ûen eling oge me he ka ûkhacaköu öbun: ke oge me he ka wiʼ öbun mʼ adre me lung me ogânâ unyin ta je hnyei hia eang hmeledrany, iny ka he ka ohmetu öbun ûhebun hnyi hna bâ wale hnyi hnyimaköbun, haingö Iehova.

Zakaria 1:17

Hongot hmetu thö, me ha, ka habe, Walang hna ha hnö Iehova tuhan sabaoth, ka habe, Ame he ka se hia hmetu anyik je taun ûnyi ge hnahic; ke ame he hmetu Iehova ka otubwelâ Ziona, me senyin ka Jerusalema.