Jeremia 33:6 - Iaai Bible 1901 (New Caledonia)

⁶ Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 33:6 ပူးပေါင်းရင်းမြစ်များ

Salamo 147:3

E ame ometo tavat ae vec hnyekudra, Me lan hnödra ta je aat.

Salamo 37:11

Kʼ adre me he tavat ae ilemuk ka hu hnyei; Ke adre me he ka senyinâ ûsoköu ae gan hmâ.

Salamo 67:2

Mʼ adre me he ka wâ dem gethen eang hmeledrany, Me ânyâm ûhomeli hnyi ta je hnyei hia thithö.

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Esodo 34:6

Ke haba Iehova ame he hnyi hnyimakan, me ha, ka habe, Iehova, Iehova, Khong a at ame kölu me betenge, at ame bec ka hmönyin ke gan hmâ anyin so me hnathu;

At Khet 3:3

ûen hlingâ, me ûen ometo; ûen hagutâ, me ûen otilâ;

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 39:8

Haba Hezekia ame ha kö Isaia, ka habe, E so hofuc ho Iehova wale u me ha. Ke e ame ha minya, ka habe, Ame he ka hu ûsoköu me hnathu hnyi bonguk ta je bong.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Isaia 58:8

Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Hosea 7:1

KE oge me be ometo Isaraela, me ame manen bi thö hwakecin ae monu anyin Eferaima, me hulo anyin Samaria; anyin adre me thoi: ke ame didro tavat: venöu, ke haba deö at venöu adre me soh eû hnyou.

Mika 4:3

Ke e ame he ka owisa ka ta je hnyei ae se hia, me fuc ka je hnyei ae hwege hnyi je dok ae sâkâû; ke adre me he ka kokot anyidra je hele vat me me hnân bi hwio kânâ, ke dödra je ö hnân hele subö vine: ame ca he ke hnyei ka hai hele vat ka ke hnyei, ke adre me ca he hmetu ka ûnö vat.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Efeso 6:23

E so e unyin je liamekeiny ûsoköu me ibetengiö, me labageju, ûnyi ge Khong a Kamen me Than Iesu Keriso.

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,