Jeremia 33:5 - Iaai Bible 1901 (New Caledonia)

⁵ Adre me o he ka vat me at Kaledaia, ke so bi, adre me he ka öunöngöti ödra ge je komok, waleji oge hlingâ hnyi anyik hmonyin me wathethot, ke oge hia but ikhâlâ hnyimakök ge taun ang can anyidra ta je hulo hia.

Jeremia 33:5 ပူးပေါင်းရင်းမြစ်များ

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Jeremia 18:17

Oge me he ka ovesei ödra hnyi hnyimakan iwahnaihmiony helâ me hnen ang hwei; oge me he ka hotuk me ca hnyimakök bi kodra, hnyi bonginy anyidra vec.

Jeremia 21:10

Anyin a inya oge hia but hnyimakök ka hnyi taun ang me me kong, ke ca hnân bi so, haingö Iehova: adre me he ka hna e ka hnyi hnyamen than Babulona, ke e ame he ka thong e ge meic.

Jeremia 32:5

ke e ame he ka lili Zedekia Babulona ai, ke e ame he ka laba eling ke ne o but hnyi ûen oge me he ka senâ e, haingö Iehova: eja ke ne öbun e ne vat me at Kaledaia, öbun e ca he ka hwege.

Jeremia 42:18

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but hingâlâ anyik hmonyin me anyik wathethot hon tavat adre me laba hnyi Jerusalema, helâe oge me he ka hingâlâ anyik wathethot hubun, öbun ka he ka he Aigupito ai; ke öbun e he ka hnân oû, me kuko, me hângâ, me haikongo; ke öbun e ca he hmetu ka wâ hnyei ang.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Mika 3:4

Me adre me he ka tenge kö Iehova, ke e ame ca he ka thu kodra; eke, e ame he ka ikhâlâ hnyimakan gadra hnyi ûen eling, hoton ûkonginy anyidra ta je huliwa.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Deuteronomi 31:18

Ke oge me he ka ikhâlâ hnyimakök hnyi bong eling, can ta je hulö hia adre me he ka ânyâ, anyin a hnyimaködra bi ka ta je khong.

Deuteronomi 32:20

Me e ame ha, ka habe, Oge me he ka ikhâlâ hnyimakök gadra, Oge me he ka wâ ieû obiny ködra: Anyin a ödra me dö ae ûjöng, Je wanakat ae ba labageju.