Jeremia 33:3 - Iaai Bible 1901 (New Caledonia)

³ ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Jeremia 33:3 ပူးပေါင်းရင်းမြစ်များ

Salamo 145:18

E hakekeny Iehova kodra hia adre me hawâ e, A tavat hia adre me hawâ e hnyi hnathu.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Isaia 45:3

ke oge me he ka ham köu je omejeûiny menekholom, me je tang omjeû adre ikhâlâ hnyi je dok ae iyong, me me khanö u a inya Iehova Khongu Isaraela, at ame ha iâm.

Isaia 48:6

U je hia but long; wâ ju ta je ûnyi hia e; ke hawa gabun, öbun e ca he bi ka haimemenâ e? hwân hnyi ûen ang oge hia but omanenâ köu ta je ûnyi ae teb ûnyi, waleji ta je ûnyi ae iyong, ae ca khanö u.

Isaia 65:24

Ke ödra ka tiga ca hongot bi, me oge me he bi nya ka ieû: ke ödra ka tiga fuc, me oge me he bi nya ka ling ödra.

Jeremia 23:35

Walang ûnyi öbun e he bi ka ûhaköuâ, a ke at me ke at, ka habe, Ieû hna thu hnö Iehova? ke ieû hna ha hnö Iehova.

Jeremia 29:12

Ke öbun e he ka hao nya, me öbun e he ka he me hic könya, me oge me he ka ling öbun.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 32:27

Wâ bi, Inya Iehova Khongon tavat hia thithö: hawa, e hu ke ûnyi ae ca khanö nya he ka ânyâ?

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Daniela 2:22

e ame omanenâ je ûnyi ae dit ke iyong: e khana ta je ûnyi hnyi menekholom, ke ame tha laba mö lany.

Daniela 2:23

Inya oge me ole me oganö u Khongon lakamök, u at a ham könya metâ me man, ke u je hia but omanenâ könya walang ang hnöhmun hna sumatö u: anyin a u je hia but omanenâ kohmun ûnyi anyin than.

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Mika 7:15

Oge me he ka omanenâ kodra je ûnyi hnân lâiâ helâ me hnyi je bong u je he hnyin ûhem hnyi hnyei Aigupito.

Mataio 13:35

me me hwâdâ thö hna ha hnen perofeta, ka habe, Oge me he ka khong ut hnyimök hnyi ta je ûhöûcû; Oge me he ka ha ta je ûnyi ae iyong hwân hnyi hna bi taben hmeledrany.

Ta je huliwa 2:21

Ke ame he ka möt tavat hia adre me he ka hawâ ien Than.

I. Korinito 1:2

ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin:

Efeso 3:20

Haba at ae khana ânyâ ta je ûnyi hia ae beönua hon hnöta hna sumâtâ me ûnykûme ka hnyin, hoton man at ame huliwa eû hnyi je hnyekuta,

Deuteronomi 4:29

Ke so hi öbun ka he eling ka elöm Iehova Khongom, me u me he ka wâ, u je ne elâm ge hnyekom ae bekhöt, me hanom ae bekhöt.

Deuteronomi 4:7

Anyin a ewa hnyei ae gan ae hu khongon ame hakekeny ködra, helâ me Iehova Khonguta ame ânyâ hnyi je ûen hia ate me hongot kâu!

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.