Jeremia 33:16 - Iaai Bible 1901 (New Caledonia)

¹⁶ Hnyi je bong eling adre me he ka omeli Juda, ke ame he Jerusalema ka laba khötkic: ke walang ien adre me he ka hawâ, ka habe, Iehova wisaita.

Jeremia 33:16 ပူးပေါင်းရင်းမြစ်များ

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Jeremia 50:7

Ame hia but ön ödra hnen tavat hia adre me ö ʼdra: ke haingen je iwahnaihmiony mödra, ka habe, Ohmun ca kong anyin adre hia but ânyâ hulo kö Iehova, a hnyaban wisa, wale Iehova hna gejon hnen lakamödra.

Ezekiela 28:26

Ke adre me he bi ka laba khotkic hnyin e; eke, adre me he ka up uma, me belöki vine, me laba khotkic; iny ka hia but bi hwaban kodra hia tavat adre me hûköti ödra igigilo; ke adre me he ka wâ a inya Iehova Khongudrin.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Daniela 9:7

Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Roma 11:26

mʼ adre me he ka omelö at Isaraela hia thithö; helâ me hna sihnalimen, ka habe, Ame he ka o At ûhomeli ûheny Ziona; Ke ame he ka ohia hwakecin ae kong unyi Jekob:

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Deuteronomi 33:12

Ke e ame ha ga Beniamina, ka habe, Ame he ka laba khötkic unyin hnyat a betenge ködrin Iehova; E ame tube e hnyi bong hia, Kʼ ame laba hnyi wanben li bajebenyin,

Deuteronomi 33:28

Ke Isaraela ame laba khötkic, Hake e pupuainy Jekob, Hnyi hnyei ae hu hwit me waina; Eke, ame ta hau ûnyi hnyi anyin drany.

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso: