Jeremia 33:13 - Iaai Bible 1901 (New Caledonia)

¹³ Hnyi je tauniny hnyei ae hut me je tauniny hnyei ae hnyikânâ, me je taun hnyi Hwaiöu, me hnyi hnyei Beniamina, me je dok igigilo Jerusalema, me je tauniny Juda, ame he hmetu je hnahat mamoe ka he hmelen li hnyamen at ame tuʼ ödra, haingö Iehova.

Jeremia 33:13 ပူးပေါင်းရင်းမြစ်များ

Jeremia 17:26

Ke adre me he ka o ûnyi hnyi je tauniny Juda me je ke keihen igigilo Jerusalema, me ûnyi hnyi hnyei Beniamina, me hnyei ae tha hon, me je bucen, me ûnyi hnyi Hwaiöu, adre me hom je hudiny leû, me je hut, me je hudiny han, me libanu, me adre me he ka hom je hudiny ole, ka hnyi uma umö Iehova.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Jeremia 32:15

Anyin a walang hna ha hnö Iehova tuhan sabaoth, Khongu Isaraela, ka habe, Adre me he ka he hmetu bi ka ûco je uma, me je utkânâ, me je hnyei vine hnyi hnyei ang.

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Ezekiela 20:37

Ke oge me he ka odili öbun hmelen uci, ke oge me he ka hum öbun ka hnyi ohmâiny ûhihinyköu;

Levitiko 27:32

Ke haba ke keihen a libenyitainy omeno, ame ne bolok, ame ne mamoe, a ta je ûnyi hia adre me dit hmelen uci, me e kap kö Iehova ke keihen a libenyitainy.

Obadia 1:20

Ke haba je bâ a je utbavat eang a lakon Isaraela unyin at Kanana, me adre me be ka hu ke ne o but hnyi Sarepeta; ke haba je bâ a at Jerusalema hnyi Sefaradi, me adre me he ka hu je taun hnyi Hwaiöu.

Luka 15:4

Ia gabun ae tren mamoe a wan haded, kʼ ame hia khaca gadra, hawa, ame ca he ka hna but nainte nain hnyi hnyebuba, me elâm at a hia ke ne o but e ame wâ ju e?