Jeremia 33:11 - Iaai Bible 1901 (New Caledonia)

¹¹ me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Jeremia 33:11 ပူးပေါင်းရင်းမြစ်များ

I. Man Ûlabainy Je Than. 16:34

Ö e ole thö kö Iehova; anyin ae so: Anyin a nyiele balua anyin ibetengiö.

I. Man Ûlabainy Je Than. 16:8

E na ole thö kö Iehova, hawâ thö ien; Haimemenâ anyin ta je huliwa hnyi wanben ta je hnyei.

II. Man Ûlabainy Je Than. 20:21

Me e ame ûhnenamö me tavat, me otilâ tavat khumöng kö Iehova, me olungâ meciny hwakecin ae kap, ödrin ka he hnyi hnyimakan utbavat, me ha, ka habe, Ole thö kö Iehova, anyin a nyiele balua anyin ibetengiö.

II. Man Ûlabainy Je Than. 29:31

Haba Hezekia ame ha, ka habe, Walang öbun e hia but okabi öbun bi kö Iehova, hok ju jem me hom je hut me je hudiny ole ka hnyi uma umö Iehova. Haba ûkhacaköu ödrin e hom je hut me je hudiny ole; me tavat ödrin e weny hnyi hnyekudrin ödrin e hom je hudiny leû.

II. Man Ûlabainy Je Than. 5:13

ke haba tavat tûö trutru me tavat khumöng, me, helâ me at a khaca, he ka hai khumöng helâ me khaca thibi hofuc he ka ogânâ me ole kö Iehova; ke ödrin e fuc goranyai ge je trutru me simebalo me je ûnyi khumöngʼ me oganö Iehova, me ha, ka habe, Anyin ae so e, anyin a nyiele balua anyin ibetengiö; me haba hnyi ûen eling ame unöngötö uma ge ulâ, wale uma umö Iehova,

II. Man Ûlabainy Je Than. 7:3

Ke haba lakon Isaraela hia ödrin e wâ meic ame kolu me hmanenangi Iehova hon uma; ke ödrin e nom hnyikânâi ka hnyi dek veto, me khudrung, me ole kö Iehova, me ha, ka habe. Anyin ae so; anyin a nyiele balua anyin ibetengiö.

Ezera 6:22

me ânyâ senyinâ hnyi seven je bong bijeûiny areto adre ca levenâ: anyin a Iehova ame osenyini ödrin, me wia ködrin hnyekon than Asuria, me ohwegiâ je hnyamödrin hnyi huliwainy uma umen Khong, wale Khongon at Isaraela.

Nehemia 12:43

Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

Nehemia 8:12

Ke ame he tavat hia he ka han me ic, me kunâ je jekhoû, me ti senyin, anyin a ödrin e wâhmakhmetoâ je hofuc adre me omanenâ ködrin.

Salamo 106:1

OGANÖ Ja thʼ öbun. Oleâ ju kö Iehova, anyin ae at ae so: Anyin a nyiele balua anyin ibetengiö.

Salamo 107:1

OLEÂ ju kö Iehova; anyin ae at ae so: Anyin a nyiele balua anyin betenge.

Salamo 107:22

Ke so adre me he ka hudo je hudiny ole, Me ha anyin ta je huliwa me khumöngö.

Salamo 116:17

Oge me he ka hudo köu hudiny ole, Me hawâ iö Iehova.

Salamo 147:13

Anyin a e ame hia but ohwegiâ je venyainy ta je homagöulem; E ame hia but ohnahicâ lakom hnyi wanbâm.

Salamo 85:7

Iehova lö, omanenâ thö kohmun ânyâm ibetengiö, Me ham kohmun ânyâm ûhomeli.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 52:8

Ifucin tavat tue unyâm! adre me hongot goranyai, adre me tha khumöng; anyin adre me he ka wâ, me iohnyimaköu, hnyi hnö Iehova hna ohmetu Ziona.

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Jeremia 16:9

Anyin a walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka bi obiny hnyi dok ang hnyi hnyimaköbun hnyi bongubun ta je bong hwan senyin me hwan hobâ, me hwan li at ödre tep faipoipo.

Jeremia 17:26

Ke adre me he ka o ûnyi hnyi je tauniny Juda me je ke keihen igigilo Jerusalema, me ûnyi hnyi hnyei Beniamina, me hnyei ae tha hon, me je bucen, me ûnyi hnyi Hwaiöu, adre me hom je hudiny leû, me je hut, me je hudiny han, me libanu, me adre me he ka hom je hudiny ole, ka hnyi uma umö Iehova.

Jeremia 25:10

Ke oge me he ka ohia gadra hwan senyin me hwan hobâ, me ifucin li at ödre tep faipoipo, me meainy li veto hnân omomono, me melaminy lamepa.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 7:34

Ke oge me he ka obuhlumo hnyi je tauniny Juda, me je gethen minya hnyi Jerusalema, hwan senyin, me hwan hobâ, me hwan li at ödre tep faipoipo: anyin ame he ka ba aten hnyei.

Amosa 9:14

Me oge me he ka ohmeto lakeik a at Isaraela waleji adre me hom bâ, me adre me he bi ka otilâ hmeto ta je taun waleji ae ba wan, me labâ hmetu; ke adre me he ka tā ta je hnyei vine me ic wainainy; ke adre me he ka belökâ ta hnyei me an jeûiny.

Jona 2:9

Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

Nahuma 1:7

E so Iehova, e hnabâ hnyi bong vec; ke e ame wâhmakhmeto tavat adre me labageju kâu.

Zefania 3:14

Hluiny Ziona lö, khumöng dö; Isaraela lö, kuku thö; hluiny Jerusalema lö, senyin dö ke hobâ ge hnyekom ae bekhöt.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Zakaria 9:17

Anyin ae ti gan hmâ anyin so, ke ti gan hmâ anyin hmanenang! ame he ka sot wahidröu ge hwit, ke wahlu minya ge waina.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

Hna Omanenâ 18:23

ke ame ca he hmetu ka umumelam hnyi wanbâm bâhlân lamepa; ke adre me ca he hmetu ka löng hnyi wanbâm ifucin li at ödre tep faipoipo: anyin a haba tavat ûcû unyâm, me ödrin e beönua hnyi hmeledrany: ke adre me omonoâ ta je hnyei hia ge ânyâm je bihihwakecin.