Jeremia 32:5 - Iaai Bible 1901 (New Caledonia)

⁵ ke e ame he ka lili Zedekia Babulona ai, ke e ame he ka laba eling ke ne o but hnyi ûen oge me he ka senâ e, haingö Iehova: eja ke ne öbun e ne vat me at Kaledaia, öbun e ca he ka hwege.

Jeremia 32:5 ပူးပေါင်းရင်းမြစ်များ

II. Man Ûlabainy Je Than. 13:12

Ke wâ bi e unyihmun Khong me ban kohmun, me anyin tavat bihut me je trutru ame fuc haten ot, he ka tûâ haten ot gabun. Lakon Isaraela lö, ca vat bi me Iehova Khongon lakamöbun; anyin öbun e ca he ka hnahic.

II. Man Ûlabainy Je Than. 24:20

Ke ame o but banon Khong kö Zakaria nöku Jehoiada at bihut; me e ame tot hon tavat me ha ködrin, ka habe, Walang hna ha hnen Khong, ka habe, Anyin a ieû öbon e hanyâûâ hnanyibu anyi Iehova me me ca khanʼ öbun he ka hnahic? anyin a öbun e hia but hna degeci Iehova, me e ame hia but hna digic öbun.

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Jeremia 2:37

Ke u me he ka he ûhem e me li hnyamâm hon bâm: anyin a Iehova ame hna degecâ ta je ûnyi u me geju kâu, ke u me ca he ka sot gadra.

Jeremia 27:22

adre me he ka hom ta je ûnyi e Babulona ai, ke ame he ka hnen ling ke ne o but hnyi bong oge me he ka senʼ ödra hnyin, haingö Iehova; me oge me he ka hom ta je ûnyi e me ohmeto ka hnyi dok ang.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 32:6

Haba Jeremia ame ha, ka habe, Ame o könya hofuc ho Iehova ame ha, ka habe,

Jeremia 33:5

Adre me o he ka vat me at Kaledaia, ke so bi, adre me he ka öunöngöti ödra ge je komok, waleji oge hlingâ hnyi anyik hmonyin me wathethot, ke oge hia but ikhâlâ hnyimakök ge taun ang can anyidra ta je hulo hia.

Jeremia 37:10

Anyin a eja ke ne öbun e ne hia but kot utbavat a at Kaledaia tavat adre me vat möbun, ke hu aat dö ge je kolon gadra, adre me he bi ka ve tot hnyi umödra je uma mano, me thong taun ang ge meic.

Jeremia 39:4

Ke a ō ʼdra but Zedekia than Juda, me tavat vat hia, me adre me kec me he hnyi hnyinghet, ûnyi hnyi taun, hnyi gethen ûheny hnyi utkânâ iny than, hnyi homagöule wanben li hak veto: ke e ame vheno gethen ûheny hnyebuba.

Jeremia 39:5

Ke haba utbavat anyin at Kaledaia adre me hnu ödra me khöû Zedekia hnyi dok ae tha hon hnyi Jeriko: ke adre me kât e me hom kö Nebukaneza than Babulona hnyi Ribela hnyi hnyei Hamath, ke e ame owisa gan.

Jeremia 39:7

Ke e ame ûâ li emakö Zedekia, me ca e ge fao, me hom e Babulona ai.

Je tenge anyi Jeremi 1:14

Ame ca ge hnyamen ûhûkâlaköuâ hnok je hna hanyâûâ; Kʼ adre ûcaköuâ, kʼ adre me ip hon nyik; e ame oaûâ tang hwegiök; Haba Than ame hia but hnö nya ka hnyi je hnyamödra, ke ca khanö nya he ka tot kodra.

Ezekiela 12:12

Ke haba than unyidra e ame he ka vadren hon abenyin hnyi lit, me didrut: adre me he ka thö moko hna up uma, he ka sukhöûnâ hnyi gethen e: e ame he ka tube hnyimakan me me ca wâ bi kânâ ge ecmak.

Ezekiela 12:13

Ke oge me he ka lau ûtök ert hon e, ke e ame he ka hnok hnyi anyik hnewe: ke oge me he ka hom e Babulona ai, ka hnyi hnyei at Kaledaia: ke so bi, e ame ca he ka wâ e, ke e ame he ka mok e.

Ezekiela 17:15

Ke e ame ûkhin fuc mē, me kunâ anyin je ûthumetu Aigupito ai, mʼ adre me he ka ham kâu je hors me tavat ae se hia. Hawa, e ame he ka hnahic? ame he at ame ânyâ ta je ûnyi e ka möt? hawa e ame he ka thamuâ ûhihinyköu, ke möt bi?

Numera 14:41

Ke Mose ame ha, ka habe, Ieû gabun öbun e hanyâûâ hnanyibu anyi Iehova, kʼ ame ca he bi ka hwâdâ?