Jeremia 32:40 - Iaai Bible 1901 (New Caledonia)

⁴⁰ ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Jeremia 32:40 ပူးပေါင်းရင်းမြစ်များ

II. Samuela 23:4

Ke e ame he ka helâ me lany hnyi hnyomakatu, hnyi ûen ame o seûno, Hnyomakatu ae ba ûlâiny; Hnyi ûen ame kû hna önying ûnyi hnyi kânâ, Hnyi lany ae hadröngöc hwaban we.

Salamo 80:19

Iehova lö, Khongon sabaoth, ohmetu ohmun ju; Omelamâ thö hnyimâkâm, mʼ ohmun e möt ut.

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Ezekiela 36:26

Ke oge me he bi minya ka ham köbun hnyok ae teb ûnyi, me ip hanu ae teb ûnyi eû hnyibun; ke oge me he ka hom hnyok ae veto ûnyi hnyi je unyibun, ke oge me he ka ham köbun hnyok ae utiö.

Ezekiela 36:27

Ke oge me he ka ip hanuk eû hnyibun, me wi öbun he ka vheno anyik je hnanyibu, mʼ öbun e he ka tuö hnok je hna owisa, me ânyâ.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Mika 4:5

Anyin a tavat adre me ve he hnyi ien ta je khongudrin, ke ate me he bi öta ka he hnyi iö Iehova Khonguta nyiele nyiele balua.

Deuteronomi 31:6

Hwege thʼ öbun me hnyok baga but, ca ot bi, ke ca öbubuny bi gadra: anyin a Iehova Khongom me e at ame tha he möu; e ame ca he ka hia unyâm, me hna degeci u.

Deuteronomi 31:8

Ke haba Iehova me wale at ame he hnyi hnyimâkâm; ke e ame he ka tha e bi möu, e ame ca he ka hia unyâm, me hna degeci u: ca ot ke ca öbubuny bi.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 4:1

ANYIN a wale e hu but gata hna ha bânâ he ka dit ka hnyi hnen hna menâ, me so ate me he ka ot, wâ e nye ca ûcû bi keihen gabun.

Heberu 7:24

ke hu gan hanymen at bihut ame ca he ka wia, anyin a e at ae tethmâ nyiele balua.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.