Jeremia 32:35 - Iaai Bible 1901 (New Caledonia)

³⁵ Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Jeremia 32:35 ပူးပေါင်းရင်းမြစ်များ

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 11:7

Haba Solomona ame op dok ae görany hobi kö Kemosa ae ikiki anyi Moab, hnyi bucen ae cicö Jerusalema, me hobi kö Moleka at ae ikiki anyin je laku Amona.

I. Je Than 14:16

Ke e ame he ka hna degeci Isaraela can je hulö anyi Jeroboama, wale e ame ânyâ, me at ame okûâ je hulö kö Isaraela.

I. Je Than 15:26

Ke e ame ânyâ monu hnyi hnyimakö Iehova, me vheno gethen deny kamen, me anyin hulö, wale ûnyi ame okûâ hwakecin ae kong hnyi Isaraela.

I. Je Than 15:30

can je hulö anyi Jeroboama waleji e ame ânyâ, wale ame okûâ hwakecin ae kong hnyi Isaraela; me can anyin monu wale ame okûâ hmonyin anyi Iehova Khongu Isaraela.

I. Je Than 16:19

can ta je hulö e ame ânyâ hnyi hnyimakö Iehova, hnyi hnen hna vheno gethen de Jeroboama, me anyin hulö, waleji ame kû monu ka at Isaraela.

I. Je Than 21:22

ke oge me he ka wia ânyâm lap me me helâ me lap anyi Joroboama nöku Nebata, ke helâ me lap anyi Baasa nöku Ahia, anyin a u je okûâ anyik hmonyin, me oâ hulö kö Isaraela.

II. Je Than 21:11

Anyin a Manase than Juda ame ânyâ ta je ûnyi eling ae ikiki, me ânyâ ûnyi ae kong hon ta je ûnyi a ânyâ at Amora, tavat a bân, me okûâ hwakecin ae kong anyin at Juda ge anyin ta je idola:

II. Je Than 21:4

Ke e ame op je taben hut hnyi uma umo Iehova, wale a ha gan Iehova, ka habe, Oge me he ka ip iök hnyi Jerusalema.

II. Je Than 23:10

Ke e ame oikikiâ Tofet a e hnyi hnyigöulen bucen iny laku Hinom, me me ca he ke at ka kunâ nokon baga ame ne hlu he ka he hnyi wanben meic kö Moleka.

II. Je Than 23:15

Ke haba taben hut minya hnyi Beth-ela, me dok ae görany waleji a ânyâ Jeroboama nöku Nebata, at a okûâ hwakecin ae monu anyin at Isaraela, haba taben hut me dok minya ae görany, e ame hagutâ hnyikânâi; ke e ame thong degecâ dok ae görany me oamamâ e, me thong degecâ Aseira.

II. Je Than 3:3

Ke so bi e ame kece ka je hulö anyi Jeroboama nöku Nebata, wale ame okûâ je hwakecin ae kong anyin at Isaraela; e ame ca saû ûnyi hnyin.

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

II. Man Ûlabainy Je Than. 33:9

Ke haba Manase ame omono at Juda me tavat adre me laba hnyi Jerusalema, me ödrin e ânyâ hulo ae gan hon ta je hnyei, waleji a ohia ga Iehova hnyi hnyimakan lakon Isaraela.

II. Man Ûlabainy Je Than. 36:14

Khaca haba ta je taben tavat bihut hia, me tavat, ödrin e ânyâ hwegiâ monu, hoton hwakecin ae ikiki anyin je wanaithila; me ödrin e oikikiâ uma umö Iehova waleji e ame hia but okabâ hnyi Jerusalema.

Esodo 32:21

Ke haingö Mose kö Arona, ka habe, Ieû a anyâ köu tavat cang, mʼ u me okûâ ködra monu ae gan eang?

Isaia 57:5

öbun tavat ame ka öûjöngöi öbun hnyi hmelen je iwajo me je ûö hia thithö ae hât; tavat adre me hlingâ je wanakat hnyi hnyigöulen je bucen hmelen je hmakat hnyi kic.

Jeremia 19:2

ke he thö ka hnyi hnyigöulen bucen anyin nöku Hinom, ae hnyi homagouleny Harsith, ke khetâ thö eling ta je hofuc oge me he ka ha köu:

Jeremia 30:14

A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

Jeremia 44:4

Ke so bi, oge me kunâ köbun je athnyabaik hia je perofeta, me vesâkong, me ûkhûnöng, me ha, ka habe, Öbun a ca ânyâ ûnyi ang ae ikiki wale a hmiök.

Jeremia 7:30

Anyin a ânyâ ûnyi ae kong hnen lakon Juda hnyi hnyimakök, haingö Iehova: adre hia but ip anyidra ta je ûnyi ae ikiki hnyi hnyin uma waleji oge ip iök hon, mʼ adre me okongoâ e.

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.

Ezekiela 23:37

Anyin a ödru me hia but bi ûnyi monu, ke e hnyi li hnyamödru dra, ke ödru me hia but bi ûnyi monu ge anyidra je idola; ke adre hia but kunâ je lakudru obaga waleji ödre hnokoâ hobi könya, ka he hnyi wanben meic ködru hnân han.

Levitiko 18:21

Ke u me ca he ka hna lakom he ka he hnyi wanben meic kö Moleka, ke u me ca he ka okongoâ ien Khongom: Inya Iehova.

Ta je huliwa 7:43

Ke öbun e hom minya uma menâ uma Moloka, Ke okhûiny khongubun a Refana, A je hnatheat öbun e ânyâ he ka khudrung ködrin: Awe, oge me he bi nya ka hum öbun ka hnyi Babulona.

Deuteronomi 12:31

U me ca he ka ânyâ helâe kö Iehova Khongom: anyin adre hia but ânyâ ka anyidra je khong ta je ûnyi ae ikikiâ Iehova, wale e ame hûkötiâ anyin adre me labö le ge meic lakudra obaga me wahlu ka anyidra je khong.

Deuteronomi 18:10

E so adre me ca he ka wâ unyâm ke at ame kunâ nokon baga me nokon hlu he ka he hnyi wanben meic, me at bi khong, me at ame bibihwakeoin, me at ae tren khong,

Deuteronomi 24:4

awe, ame ca he baga a bân waleji a obâ ka hom hmetu, kʼ adre hia but okongoâ; anyin a wale ûnyi ae ikiki hnyi hnyimakö Iehova: ke u me ca he ka bi joniny hnyei a ham köu Iehova Khongom me me em.