Jeremia 32:34 - Iaai Bible 1901 (New Caledonia)

³⁴ Ke adre me otilâ je ûnyi ae ikiki hnyi uma waleji adre wenyö kâu iök, me adre me okongoâ e.

Jeremia 32:34 ပူးပေါင်းရင်းမြစ်များ

II. Je Than 21:1

TWELV ta hunai Manase hnyi ûen e ame hwân ka than; ke ame musi hnyi Jerusalema hnyi fifte faiv je huna: haba ien hinyen me, Hefeziba.

II. Je Than 23:6

Ke e ame hom but Aseira ûnyi hnyi hnyin uma umö Iehova hoton Jerusalema ai ka hnyi wagewe Kederon, me thong degeci ödrin hnyi wagewe Kederon, me omomono e, me khûâ but dröuiny hon je erkemok anyin houmonu.

II. Man Ûlabainy Je Than. 33:15

Ke e ame hom degecâ je khong kanyua, me idola ûnyi hnyi uma umö Iehova, me je taben hut hia waleji e ame op hnyi buceniny uma umö Iehova, me hnyi Jerusalema, me khûʼ ödrin ka hnyi hoton taun.

II. Man Ûlabainy Je Than. 36:14

Khaca haba ta je taben tavat bihut hia, me tavat, ödrin e ânyâ hwegiâ monu, hoton hwakecin ae ikiki anyin je wanaithila; me ödrin e oikikiâ uma umö Iehova waleji e ame hia but okabâ hnyi Jerusalema.

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 23:11

Anyin ame bi gan je perofeta me tavat bihut, eke, oge hia but wâ anyidra hulo hnyi umök uma, haingö Iehova.

Jeremia 30:14

A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

Jeremia 34:15

Ke öbun e hwio walang ang me ânyâ wisa hnyi hnyimakök, wale hnyi hnobun hna haimemenâ he ka ve thong waeny; ke öbun e hia but ûhihinyköu hnyi hnyimakök, hnyi uma waleji adre ip hon iök:

Jeremia 44:4

Ke so bi, oge me kunâ köbun je athnyabaik hia je perofeta, me vesâkong, me ûkhûnöng, me ha, ka habe, Öbun a ca ânyâ ûnyi ang ae ikiki wale a hmiök.

Jeremia 7:10

me o me tot hnyi hnyimakök hnyi uma eang, waleji adre ip hon e iök me ha, ka habe, Adre hnʼ ohmun; mʼ öbun e he ka anyi ta je ûnyi hia eling ae ikiki?

Jeremia 7:30

Anyin a ânyâ ûnyi ae kong hnen lakon Juda hnyi hnyimakök, haingö Iehova: adre hia but ip anyidra ta je ûnyi ae ikiki hnyi hnyin uma waleji oge ip iök hon, mʼ adre me okongoâ e.

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.