Jeremia 32:32 - Iaai Bible 1901 (New Caledonia)

³² can ta je hulo hia anyin lakon Isaraela, me lakon Juda, waleji adre me mâdrâ he ka ohmönyini nya, ödra, me latuhödra, me anyidra je taben, me anyidra tavat bihut, me anyidra je perofeta, me at Juda, me aten Jerusalema.

Jeremia 32:32 ပူးပေါင်းရင်းမြစ်များ

Ezera 9:7

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 22:1

HOK honen hnyigöulen bucen adre me omanenâ hnyin. Ieû gam walang ang a u je tha ölö ka hnyi hon je ban uma me je âtâm hia?

Jeremia 2:26

Ame hmehma at venöu at ka wâ e, helâe ame he ka hmehma lap anyi Isaraela; walödra e ta je than, me ta je taben, me tavat bihut, me ta je perofeta;

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Jeremia 44:21

Haba utö ae bo so öbun e le hnyi je tauniny Juda me je getheniny Jerusalema, öbun me lakamöbun, me latuhöbun, me anyibun je taben, me tavat aten hnyei, hawa, ame ca ûnykûme e Iehova, me ip hnyi hnyekon?

Jeremia 7:17

Hawa, u me ca wâ hnödra je hna ânyâ hnyi je tauniny Juda me je gethen hnyi Jerusalema!

Ezekiela 22:6

Wâ bi, a hia but mwi unyâm je taben Isaraela ödrin hia hoton je ve hwegiödrin, he ka hingâlâ dra.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Daniela 9:6

ke öhmun e ca hia but long ka lathnyabaem a ta je perofeta, tavat adre me fuc hnyi iâm ka latuhöhmun, ke anyihmun je taben, ke lakamöhmun, ke tavat hia thithö hnyi hnyei.

Daniela 9:7

Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Daniela 9:8

Than lö, e unyihmun hmehma, wale latuhöhmun, ke anyihmun je taben, ke lakamöhmun, anyin a öhmun e hia but ânyâ hulo köu.