Jeremia 32:31 - Iaai Bible 1901 (New Caledonia)

³¹ Anyin a hnân okûâ hmonyin me wathethot könya taun ang hwân hnyi bong adre op e hnyin ke ne o but hnyi bong ang; me oge me beohia e hnyi hnyimakök:

Jeremia 32:31 ပူးပေါင်းရင်းမြစ်များ

II. Je Than 21:16

Ke haba khaca, Manase ame hingâlâ dra ae ba hnyikongon e ti gan, ke ne o but ame ti unöngötö Jerusalema gan hnyi je ke keihen hia; me anyin minya hulö wale ame okûâ hwakecin ae kong anyin at Juda, wale he ka ânyâ ûnyi ae kong hnyi hnyimakö Iehova.

II. Je Than 23:15

Ke haba taben hut minya hnyi Beth-ela, me dok ae görany waleji a ânyâ Jeroboama nöku Nebata, at a okûâ hwakecin ae monu anyin at Isaraela, haba taben hut me dok minya ae görany, e ame hagutâ hnyikânâi; ke e ame thong degecâ dok ae görany me oamamâ e, me thong degecâ Aseira.

II. Je Than 23:27

Ke haba Iehova ame ha, ka habe, Oge me he ka hom Juda ûnyi hnyi hnyimakök, helâ me hnok hna hom Isaraela, ke oge me he ka degec taun ang oge ûca wale Jerusalema, me uma wale oge ha gan, ka habe, Ame he ka hnen e iök.

Jeremia 23:39

anyin a wale oge me he ka ti hnying öbun, ke oge me he ka obâ degeci öbun ûnyik, öbun, me taun, waleji oge ham köbun me lakamöbun:

Jeremia 27:10

anyin adre me perofeta thoi köbun, mʼ adre me he ka oûsâkâûʼ öbun me ibun hnyei; me oge me he ka obʼ öbun me öbun e he ka mok.

Je tenge anyi Jeremi 1:8

Jerusalema ame hia but hulo gan hmâ; anyin a wale e ame helâ me ûnyi ae ikiki: Haba tavat, adre me ogânâ e adre me hûkotiâ e, anyin adre hia but wâ a e ame he thu: Eke, e ame mâng, me hwio.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!