Jeremia 32:3 - Iaai Bible 1901 (New Caledonia)

³ Anyin ame ip e Zedekia than Juda hnyi uma ceat me ha, ka habe, Ieû gam u me perofeta me ha, ka habe, Walang hna ha hnö Iehova, ka habe, Wâ bi, oge me he ka hna taun ang ka hnyi hnyamen than Babulona, ke e ame he ka hûgûnâ e;

Jeremia 32:3 ပူးပေါင်းရင်းမြစ်များ

II. Man Ûlabainy Je Than. 28:22

Ke haba hnyi ûen anyin vec, e ame ânyâ hmetu hwakecin ae kong kö Iehova, wale than Ahaza.

Esodo 5:4

Ke haingen than Aigupito ködru, ka habe, Ieû gabu Mose me Arona öbu me uny jut je hok ge tavat hnyi je hanymödra? He bi thö ka huliwa.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 21:3

Me haba Jeremia ame ha ködru, ka habe, Walang hofuc öbu me he ka ha kö Zedekia, ka habe,

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 34:21

Ke oge me he ka ham Zedekia than Juda me anyin je taben ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra, me ka hnyi hnyamen utbavat anyin than Babulona, tavat adre me he hââng ûhedra unyibun.

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 37:4

Ke ame didro Jeremia me didrut unyin tavat anyin a ödra tiga ca hia but ip e hnyi uma ceat.

Jeremia 38:18

ke u je ne ca he ka je taben anyin than Babulona, me adre me he ka hna taun ang ka hnyi hnyamen at Kaledaia, ke adre me he ka thong ge meic, ke u me ca he ka kec gadra.

Jeremia 38:3

Walang hna lia hnö Iehova, ka habe, E hnathu adre me he ka hna utbavat anyin than Babulona, ke e ame he ka hûgûnâ e.

Jeremia 38:4

Me ame ha je taben ka than, ka habe, E so adre me hlingâ but at ang; anyin a helâe e ame osenyinâ je hnyamen tavat vat a ta je kolon hnyi taun ang me tavat hia, hnyi hnen hna ha je hofuc helâe: anyin a haba at ang, e ame ca elâm he ka osoâ bi tavat ang, ke e ame okongoâ bi.

Jeremia 38:8

Me haba Ebede-melek, ame he ûnyi hnyi uma umen than me ha ka than, ka habe,

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Je tenge anyi Jeremi 1:14

Ame ca ge hnyamen ûhûkâlaköuâ hnok je hna hanyâûâ; Kʼ adre ûcaköuâ, kʼ adre me ip hon nyik; e ame oaûâ tang hwegiök; Haba Than ame hia but hnö nya ka hnyi je hnyamödra, ke ca khanö nya he ka tot kodra.

Amosa 7:13

ke ca perofeta hmetu bi hnyi Beth-ela: anyin a dok e ae kap anyin than, ke hnyaban e than.

Luka 20:2

me haingödra kâu, ka habe, Ha thö kohmun: Ûnyi ga ia musi u me ânyâ kâu ta je ûnyi e? Ke ia ham köu musi e?