Jeremia 32:28 - Iaai Bible 1901 (New Caledonia)

²⁸ Anyin a wale, walang hna ha hnö Iehova, ka habe, Wâ bi, oge me he ka ham taun ang ka hnyi hnyamen at Kaledaia me hnyamö Nebukaneza than Babulona, me e ame he ka hûgûnâ e:

Jeremia 32:28 ပူးပေါင်းရင်းမြစ်များ

II. Je Than 25:11

Ke haba je kolon tavat hia a hnen biju hnyi taun, me tavat adre me kec waleji adre kec ka than Babulona, me kolon tavat ae se, haba Nebuzaredana taben tavat tue ame hom bâ.

II. Man Ûlabainy Je Than. 36:17

Anyin a wale e ame oâ ködrin thaniny at Kaledaia, at ame hlingâ je hidröuidrin ge hele vat hnyi uma dok a kabidrin, ke adre ca betenge ka ke hidröu, me hlu, me hingat me hûen: e ame hnʼ ödrin hia ka hnyi hnyamen.

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Jeremia 20:5

Ke haba khaca oge me he ka hna tang omjeûiny taun ang, me ta je troban gan, me ta je ûnyi ae ûnyi hnathu hnyin, eke, ta je omjeû anyin je than Juda hia, oge me he ka ham ka hnyi hnyamen ta je iwahnaihmiony mödra, ke adre me he ka sei ödra, me hum ödra, me tha he mödra Babulona ai.

Jeremia 21:10

Anyin a inya oge hia but hnyimakök ka hnyi taun ang me me kong, ke ca hnân bi so, haingö Iehova: adre me he ka hna e ka hnyi hnyamen than Babulona, ke e ame he ka thong e ge meic.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 32:3

Anyin ame ip e Zedekia than Juda hnyi uma ceat me ha, ka habe, Ieû gam u me perofeta me ha, ka habe, Walang hna ha hnö Iehova, ka habe, Wâ bi, oge me he ka hna taun ang ka hnyi hnyamen than Babulona, ke e ame he ka hûgûnâ e;

Jeremia 32:36

Anyin a wale, walang hna ha hnö Iehova Khongu Isaraela ge taun ang, waleji öbun e ha gan, ka habe, adre hia but ham e ka hnyi hnyamen than Babulona, ge hele vat, me hmiâ, me mok ae cap:

Jeremia 34:2

Walang hna ha hnö Iehova Khongu Isaraela, ka habe, He thö ka ha kö Zedekia than Juda me ha kâu, ka habe, Walang hna ha hnö Iehova, ka habe, Wâ bi, oge me he ka ham taun ang ka hnyi hnyamen than Babulona, ke e ame he ka thong e ge meic:

Jeremia 34:3

ke u me ca he ka kec gan, ke e hnathu adre me he ka kot u, me hnö u ka hnyi hnyamen; ke u me he ka ûhnyimâkâmköu me than Babulona, ke öbu me he ka ifucköu, ke u me he ka he Babulona ai.