Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 32:23 - Iaai Bible 1901 (New Caledonia)

23 ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

အခန်းကိုကြည့်ပါ။ ကော်ပီ




Jeremia 32:23
32 ပူးပေါင်းရင်းမြစ်များ  

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.


me haödrin ûnyi hnyi drany anyin ödrin e mekihnânem, me oâ köiö ûnyi hnyi kic anyin ödrin e beic, me hûna ködrin he ka he mʼ ödrin e he ka hu hnyei waleji u je khemanyin he ka ham ködrin.


Adre me ca vheno hna ûhihinyköu me Khong, Kʼ adre höcö he ka vheno anyin hnanyibu;


Ke oge me hum öbun ka hnyi hnyei ae hu jeûiuy, he ka an wan me soiny; ke öbun e o but me oikikiâ ik hnyei, me wia lakeik me me ûnyi ae ikiki.


Ke u me he ka ha kodra, ka habe, Walang hna ha hnö Iehova, ka habe, Öbun e ne ca ling nya he ka vheno anyik hnanyibu, waleji oge ip hnyi hnyimaköbun,


Adre me ca vec ke ne o but hnyi bong ang, ke adre ca hia but ot, ke adre me ca vheno anyik hnanyibu, me hnok je hna hûna, waleji oge ip hnyi hnyimaköbun me lakamöbun.


ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.


E wisa Iehova; ke oge hia but thu anyin je hnanyibu: Je hnyei hia lö, öbun na long ju, me wâ anyik hlöuhlöu: Adre hom hwenbâ anyik je wahlu me wahidröu.


Jerusalema ame hia but hulo gan hmâ; anyin a wale e ame helâ me ûnyi ae ikiki: Haba tavat, adre me ogânâ e adre me hûkotiâ e, anyin adre hia but wâ a e ame he thu: Eke, e ame mâng, me hwio.


Ke oge me ha ka lakudra hnyi hnyebuba, ka habe, Ca vheno bi öbun whakecin lakamöbun, me ânyâ hnödra je hna owisa, me okongu öbun ge anyidra je idola:


Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.


Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.


Helâe minya öbun, öbun ka hia but mâdrâ ta je ûnyi adre hûna köbun, ha thʼ öbun, ka habe, Öhmun ang je athnyaba ae ba troban; öhmun e hia but mâdrâ thibi hanymöhmun he ka mâdrâ.


Öbun e ne he ka ânyâ ta je ûnyi oge hûna köbun, je lahanök öbun.


Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.


Anyin a haba at ame he ka löng hoton je hnanyibu hia, kʼ ame hanyâûâ thibut khaca, me helâke a hanyâûâ hia but.


Me Iehova ame liam ka at Isaraela hnyei hia waleji e atne khemanyin he ka ham ka lakamödra; ke adre me tren e me labā.


Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ