Jeremia 32:20 - Iaai Bible 1901 (New Caledonia)

²⁰ at ame ip je haten me je ûnyi hnân lâiâ hnyi hnyei Aigupito, ke ne o but hnyi bong ang, hnyi wanben at Isaraela me ke je tavat; me bi iâm, helâ me hnyi bong ang;

Jeremia 32:20 ပူးပေါင်းရင်းမြစ်များ

II. Samuela 7:23

Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

I. Man Ûlabainy Je Than. 17:21

Ke ewa ke hnyei eang hmeledrany ae ûcû me em hnyei wale a Isaraela, waleji a he but Khong he ka omelö kâu bi me hnân lakeiny, me he ka hu iâm, ge je ûnyi ae gan, me hnân outen, ge hna obâ je hnyei hnyi hnyimakan lakem, waleji u je omelö ûheny Aigupito?

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Nehemia 9:11

Ke u je kia luâ köiö hnyi hnyimaködrin, mʼ ödrin e he hnyi wanben köiö hnyi dok ae mada; ke u je khûâ je iwahnaihmiony mödrin ka hnyi dok ae dit, helâ me veto hnyi köiö ae gan.

Salamo 135:9

Aigupito lö, e ame kunâ köu ta je haten, me ta je ûnyi hnân lâiâ, Hu Farao, me lathnyabainy hia thithö.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

Esodo 3:20

Ke oge me he ka hai hnyamok me kot Aigupito ge ta je ûnyi hnân lâiâ, wale oge me he ka ânyâ eling: ke hwaban dö e, e ame he ka hnʼ öbun.

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Isaia 63:14

Haba hanu Iehova ame omenʼ ödra, helâ me je meno ame utut hnyi je hwatapkolu: helâe u je su lakem, me wia hobi köu ien ae hmanenang.

Jeremia 13:11

Anyin ame kece wen ka hnyi hnyin at, helâe oge hia but okeceâ könya lap hia anyi Isaraela, me lap hia anyi Juda, haingö Iehova; mʼ adre me he ka hnân lakeik, me iök, me ogânâ, me hmanenang: ke adre me höcö long.

Daniela 6:28

Ke so eling Daniela hnyi ûen musi anyi Dariu, me ûen musi anyi Koreso at Peresi.

Daniela 9:15

Ke walang ang, Than a Khonguhmun lö, at ame hom lakem ûnyi hnyi hnyei Aigupito ge hnyam ae hwege, ke adre olungi u helâe hnyi bong ang; öhmun e hia but ânyâ hulo, ke kong hwakecihmun.;

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Deuteronomi 11:3

me anyin je ûöman, me anyin je huliwa, waleji e ame ânyâ kö Farao than Aigupito hnyi Aigupito, me lakeiny hia;

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 6:22

ke Iehova ame omanenâ je haten, me je ûnyi hnân lâiâ ae gan me kong ka at Aigupito, me kö Farao, me hnyaban hia hnyi hnyimaköhmun:

Deuteronomi 7:19

a ta je ûcûbic ae gan a wâ li emakâm, me je haten, me je ûnyi hnân lâiâ, me hnyamen ae hwege, me benyin adre hai, waleji hnö Iehova Khongom hna hum u kâu: kʼ ame he Iehova Khongom ka ânyâ helâe ka ta je hnyei hia wale u me outen.