Jeremia 32:19 - Iaai Bible 1901 (New Caledonia)

¹⁹ e beönua hnyi ûhnenamö, me maniny huliwa: at ame wâ ge li emakan ta je gethen hia deny tavat; me me ve ham ka tavat ûnyi ae ûcû me dedra ta je gethen me hoton wan anyidra ta je huliwa:

Jeremia 32:19 ပူးပေါင်းရင်းမြစ်များ

I. Je Than 8:32

awe, long ju u ethö hnyi drany, me ânyâ thö, me owisa ka lathnyabaem, me bi hwaban at ae kong, me ip hon ban hwakecin bi; me haiwisa at ae wisa he ka ham kâu hoton hwakecin ae wisa.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

Jobu 34:11

Anyin a e ame he ka bi hwaban huliwa anyin at, Me ve oâ ka tavat hoton hwakecidrin.

Jobu 34:21

Anyin a li emakan ame wâ je gethen deny at, Ke e ame wâ wia hnen hna okca.

Salamo 111:2

E gan hmâ ta je huliwa anyi Iehova, Adre me elâm wia e hnen tavat hia thithö adre me senyin gan.

Salamo 34:15

E bala li emakö Iehova hon tavat ae wisa, Ke haba li hnyikonyen ame long hodrin hwahongot.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Salamo 92:6

E ca khana bi at ae ba hnyekon; Kʼ ame ca wâhmakhmeto e hnen at ae monu.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Ta je Vejec 5:21

Anyin ae cicö li emakö Iehova ta je gethen deny at, Ke e ame tuluto deny ta je gethen hia.

Ta je Vejec 8:14

E unyik wâ bongon, me ûne ae wisa: Inya bi wâhmakhmeto; e hu manik.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Isaia 28:29

Ame o minya ûnyi ga Iehova tuhan sabaoth, at ae khana bongon hnân lâiâ, ke e gan hmâ anyin metâ.

Isaia 40:13

Ie at a tuluto hanu Iehova, ke ia obotkonginy me me ometâ e?

Isaia 59:18

E ame he ka bi hwaban hoton huliwa, wale hmonyin ka tavat a ûcon, me hwaban ka ta je iwahnaihmiony mē; e ame he ka bi hwaban ka je bomene.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 25:14

Anyin ame he je hnyei ae se hia me je than ka thaluʼ ödra, ke oge me he ka bi hwaban kodra helâ me hwakecidra, me helâ me hna ânyâ hnen je hnyamödra.

Daniela 2:45

Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Zakaria 9:1

WALANG hok, wale a hofuc ho Iehova hnyi hnyei i Haderaka, kʼ ame he ka menâ bi hnyi Damaseko: anyin ame bwele kö Iehova emakan at ke emakan ta je tribu Isaraela hia:

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Ioane 5:29

me he but; haba tavat adre me mâdrâ so, adre me he ka todrö ka hnyi möt; ke haba tavat adre me ânyâ hulö, me adre me he ka tot ka hnyi hnaûhangö.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Hna Omanenâ 22:12

Wâ bi, oge me he ka ie o; ke e unyik hwaban, he ka ve ham ka tavat e ûcû me anyidra ta je huliwa.