Jeremia 32:17 - Iaai Bible 1901 (New Caledonia)

¹⁷ Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 32:17 ပူးပေါင်းရင်းမြစ်များ

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

II. Je Than 19:15

Ke haba Hezekia ame hic hnyi hnyimakö Iehova, me ha, ka habe, Iehova lö, Khongu Isaraela, at ame laba hnyi wanben li kerubi, u thibi Khong hnyi ta je dökhu hia eang hmeledrany; u je op drany me hmeledrany.

II. Je Than 3:18

Ke ûnyi ae hâhâ e kö Iehova: ke e ame he bi ka hna tavat Moaba ka hnyi hnyamöbun.

Nehemia 9:6

U thibi Iehova, a hake u; u je op drany, wale dranyin ta je drany, me je ûnyi hia hnyin, me hmeledrany me ta je ûnyi hia hnyin, je köiö hia me ta je ûnyi hia hnyin, te u me tuö hia; ke ame khudrung köu ta je ûnyi hia hnyi drany.

Jobu 42:2

E khanö nya but ae khanö u he ka ânyâ ta je ûnyi hia. Ke haba hnâm hna ûnykûme me pason he ka thawâ.

Salamo 102:25

U je hia but bi taben hmeledrany kâû adrem; Ke haba ta je drany me wale huliwa anyin li hnyamâm.

Salamo 136:12

Hnen hnyamen ae hwege, me benyin ame hai: Anyin a nyiele balua anyin ibetengiö.

Esodo 20:11

anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Isaia 59:1

WÂ bi, e ca okhulit benyi Iehova me me ca khana he ka omelo; ke ca wejeji li hnyikonyen me me ca khana he ka long:

Jeremia 1:6

Me oge me ha, ka habe, Ekölö Than Iehova! wâ bi, e ca khanö nya he ka fuc: anyin a iny wanakat.

Jeremia 14:13

Me oge me ha, ka habe, Ekölö Than Iehova! wâ bi, Je perofeta adre me ha kodra, ka habe, öbun e ca he ka wâ hele vat, ke öbun e ca he ka hu hmiâ: ke oge me he ka ham köbun eang ûsoköu ae ûnyi hnathu.

Jeremia 21:2

Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Jeremia 32:27

Wâ bi, Inya Iehova Khongon tavat hia thithö: hawa, e hu ke ûnyi ae ca khanö nya he ka ânyâ?

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Jeremia 4:10

Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

Jeremia 51:15

E ame hia but op drany ge maniny man, me otilâ hmâ ta je hnyei ge anyin metâ, me ulolo drany hnen anyin wâhmakhmeto:

Jeremia 51:19

E ca helâe jekhoû Jekob; anyin a e at ame op hia; ke Isaraela tribuiny a wajekhon: Iehova tuhan sabaoth ien.

Ezekiela 11:13

Ke inya oge me tiga perofeta, me ame mokcu Pelatia nöku Benaia. Me oge me ta hnyikânâi me tenge hwege, me ha, ka habe, Ekölö Than Iehova! u me he ka bi obiny ka je kolon Isaraela?

Ezekiela 9:8

Ke hnyi ûen ödrin e hlingâ, kʼ oge me hake laba, me oge me ta hnyikânâi me tenge, me ha, ka habe, Ekölö Than Iehova! hawa, u me he ka kot hia je kolon Isaraela, anyin a u me hingâlâ ânyâm hmonyin hon Jerusalema?

Daniela 2:22

e ame omanenâ je ûnyi ae dit ke iyong: e khana ta je ûnyi hnyi menekholom, ke ame tha laba mö lany.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Zakaria 12:1

WALANG hok, wale hofuc ho Iehova ge Isaraela.

Zakaria 8:6

Walang hna ha hnö Iehova tuhan sabaoth, ka habe, Ame ne hnân lâiâ ka je kolon tavat ang hnyi je bong eling, hawa e ca ûcû könya he ka hnyi lâiâ? haingö Iehova tuhan sabaoth.

Numera 11:23

Ke Iehova ame ha kö Mose, ka habe, Hawa, ame hwân ka okhulit hnyamö Iehova? u me he ka wâ walang ang, ame ne he ka āt, ame ne ca he ka āt hok hofuc.

Mataio 19:26

Haba Iesu ame ō ʼdrin me ha, ka habe, E ca khana bi e hnen at; ke ba ke ûnyi ae pason ka Khong.

Mareko 10:27

Iesu ame ō ʼdrin me e ame ha, ka habe, E pason hnen at, ke e khana bi, Khong: anyin ae khana Khong he ka ânyâ ta je ûnyi hia thithö.

Luka 1:37

Anyin ae ba hofuc ûnyi ge Khong ame he ka ba maniny.

Luka 18:27

Ke e ame ha, ka habe, Haba ta je ûnyi hia thithö ae ca khana at, me khana bi Khong.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Ta je huliwa 15:18

Haingen Than, at ame haimemenâ ta je ûnyi e hwân hnyi hna op hmeledrany.

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.