Jeremia 32:15 - Iaai Bible 1901 (New Caledonia)

¹⁵ Anyin a walang hna ha hnö Iehova tuhan sabaoth, Khongu Isaraela, ka habe, Adre me he ka he hmetu bi ka ûco je uma, me je utkânâ, me je hnyei vine hnyi hnyei ang.

Jeremia 32:15 ပူးပေါင်းရင်းမြစ်များ

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Jeremia 30:18

Walang hna ha hnö Iehova, ka habe, Wâ bi, oge me he ka ohmeto je uma mano umö Jekob adre hom, me betenge ge hnyaban; ke adre me he ka otilâ taun hon hna hagutâ e, ke ame he ka tot uma umen than hoton bongon e.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Jeremia 31:24

Kʼ ame he Juda me je tauniny hia ka tha labā e; tavat belök, me tavat alin meno.

Jeremia 31:5

U me he hmetu ka tä ta je vine hon je bucen hnyi Samaria: ame he tavat belök ka tä me ijem ta je wan hnyi senyin.

Jeremia 32:14

Walang hna ha hnö Iehova tuhan sabaoth, Khongu Isaraela, ka habe, Hom dö li tusi ang, wale ûhihinyköu ge hna ûco, wale tusi adre okeceâ haten, me tusi minya adre ca ohmâ, me hitöng ödru hnyi kaia kânâ; me me e bala bi hnyi ta je bong ae se hia.

Jeremia 32:25

Ke haba u Than Iehova u je hia but ha könya, ka habe, Ûcû em ju hwaban mone, me hawâ tavat ohnatho; ke so bi, adre hia but hna taun ka at Kaledaia.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Ezekiela 28:26

Ke adre me he bi ka laba khotkic hnyin e; eke, adre me he ka up uma, me belöki vine, me laba khotkic; iny ka hia but bi hwaban kodra hia tavat adre me hûköti ödra igigilo; ke adre me he ka wâ a inya Iehova Khongudrin.

Zakaria 3:10

Hnyi bong eling haingö Iehova tuhan sabaoth, öbun e he ka ve hawâ je lahanöbun ka hnyi hmelen je ivine, me hmelen je imeta.