Jeremia 32:12 - Iaai Bible 1901 (New Caledonia)

¹² Me oge me ham tusiny ûcû kö Baruka nöku Neria, nöku Maseia, me hnyi hnyimakö Hanamela nöku cica, me hnyi hnyimakan tavat ohnatho tavat adre set iödra hnyi hna ûhihinyköu ge hna ûco, me hnyi hnyimakan tavat Juda hia tavat adre me laba hnyi hnyeuleny uma ceat.

Jeremia 32:12 ပူးပေါင်းရင်းမြစ်များ

Jeremia 32:13

Ke oge me hûna kö Baruka hnyi hnyimakodra, ka habe,

Jeremia 32:16

Ke iny ka hia but ham tusiny ûcû kö Baruka nöku Neria, me oge me hic kö Iehova, me ha, ka habe,

Jeremia 36:26

Ke haba than ame hûna kö Jeramela nokon than, me Seraia nöku Azeriela, me Selemia nöku Abedela he ka hum Baruka at sihnalimen me Jeremia perofeta: ke haba Iehova ame ikhölʼ ödru.

Jeremia 36:32

Me Jeremia ame hom ke tusi me ham e kö Baruka at sihnalimen, nöku Neria; me e ame sihnalimen hnyin e ûnyi hnyi hnyimö Jeremia ta je hofucin tusi hia waleji a thong degecâ Jehoiakima than Juda hnyi meic: ke adre me bi hanen ke je hofuc ae se minya ka hnyin a helâe.

Jeremia 51:59

Walang hofuc ame hûna Jeremia perofeta kö Seraia, nöku Neria, nöku Maseia, waleji hnyi hnen hna tha he me Zedekia than Juda Babulona ai hnyi huna a vakiny anyin musi. Haba Seraia, me wale at muso hnyaban than.

II. Korinito 8:21

anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat.