Jeremia 32:10 - Iaai Bible 1901 (New Caledonia)

¹⁰ Me oge me set iök hnyi hna ûhihinyköu, me okeceâ haten, me hawâ tavat ohnatho, me tuluto mone hnyi tulut.

Jeremia 32:10 ပူးပေါင်းရင်းမြစ်များ

Genese 23:16

Ke Aberahama ame löng kö Eferona; me Aberahama ame tuluto kö Eferona ta je sileva, waleji e ame ha hnyi hnyimakan je lakon Heth, a vak ta haded je sekeliny sileva, mone adre labö ûco ka at ûcû.

Genese 23:20

Ke haba utkânâ me op eû hnyin, adre ohmâ kö Aberahama hnen je lakon Hethme anyin dok hnân khönkomok hnyin.

Jobu 14:17

Adre me okeceâ hmâ hnök je hna hanyâûâ hnyin tang, Ke u me thelö anyik monu.

Khumöng Hwanyi Solomona. 8:6

Ip nya ju eû hnyi hnyekom helâ me hna ohmâ haten, helâ me hna ohmâ haten hnyi benyâm: Anyin ae hmâ ibetengiö helâ me mok; Ke haba ciâ, e ame bevecâ helâ me: erkemok: Haba bâhlân, me helâ me bâhlân meic, A bâhlân bi anyi Ja.

Isaia 30:8

Ke haba walang ang he thö, sihnalimen ju e hnyi taben hnyi hnyimakodra, me sihnalimen ju e hnyi tusi, me me e bi hnân hobi kâu je bong nyiele nyiele balua.

Isaia 44:5

Ame he ke at ka ha ka habe, Inya atö Iehova; ke ame he ke at ka hwenyi ien bi hoton iö Jekob; ke ame he ke at ka sihnalimen ge hnyamen hobi kö Iehova, me hwenyi ien hoton iö Isaraela.

Jeremia 32:12

Me oge me ham tusiny ûcû kö Baruka nöku Neria, nöku Maseia, me hnyi hnyimakö Hanamela nöku cica, me hnyi hnyimakan tavat ohnatho tavat adre set iödra hnyi hna ûhihinyköu ge hna ûco, me hnyi hnyimakan tavat Juda hia tavat adre me laba hnyi hnyeuleny uma ceat.

Jeremia 32:25

Ke haba u Than Iehova u je hia but ha könya, ka habe, Ûcû em ju hwaban mone, me hawâ tavat ohnatho; ke so bi, adre hia but hna taun ka at Kaledaia.

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Mataio 27:66

Me ödrin e he but, me ohmâ wia erkemok, me ödrin e okeceâ hmâ veto ge haten, ke e bi unyidrin tavat tue.

Ioane 3:33

Ke haba at ame kap hnen hna ohnatho, me wale at ame bi haten a e hnathu Khong.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

II. Korinito 1:22

waleji at ame okeceâ hmâ hatöta, me ham köta haten Hanu eû hnyi je hnyekuta.

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Deuteronomi 32:34

Hawa, adre ca ip unyik ûnyi eang, Me okeceâ hmâ hnyi tang omjehek?

Josua 18:9

Me ame he tavat me vheno hnyei, me omanenâ e hnyi tusi hoton je taun me me seven, me ödrin e o kö Josua hnyi hna hunuma hnyi Silo.

Hna Omanenâ 7:2

Ke inya oge me wâ ke angela ame o jimeyö, ke e unyin hna ohmâ haten anyin Khong ae möt: ke e ame hongot ge ifucin ae gan ka je angela a vak waleji adre ham ködrin he ka okongo hmeledrany me köiö,

Hna Omanenâ 9:4

Ke adre ha kodra mʼ adre me ca he ka okongoâ önyinginy hmeledrany, me ke ûnyi ae hât, me ke ûö a khaca, ke so thibi tavat ae ca hu gadra hna bi haten anyin Khong hon ta je baridra.

Rutha 4:1

KE haba Boaza ame he ka hnyi homagöule me laba ju eling: ke wâ bi, ame he at a hanen anyidrin lap, wale at a ha ga Boaza; me e ame ha kâu, ka habe, E, ketha lö! aiö u, laba ju eang. Me a ame saû thö me laba ju.