Jeremia 31:8 - Iaai Bible 1901 (New Caledonia)

⁸ Wâ bi, oge me he ka hum ödra ûnyi hnyi hnyei hnyi hwadro, me ûkhacaköu ödra ûnyi hnyi je can hmeledrany, tha e mödra je wadröu, me tavat ae kong cadra, me erkin, me momo ame he ka hnokoâ: adre me he ka hmetu kââng, a bunyen ae gan.

Jeremia 31:8 ပူးပေါင်းရင်းမြစ်များ

Salamo 107:3

Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 98:3

E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Jeremia 16:15

ke so bi, Kia inya Iehova at ame hom lakon Isaraela ûnyi hnyi hnyei hnyi hwadro, me ûnyi hnyi je hnyei hia waleji e ame obʼ ödra ka hnyin: ke oge me he ka ohmetu ödra ka hnyi idra hnyei, waleji oge ham ka lakamödra.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 23:8

ke so bi, Kia inya Iehova at ame su je mâtrâniny lap anyû Isaraela ûnyi hnyi hnyei hnyi hwadro, me ûnyi hnyi je hnyei waleji oge obʼ dra ka hnyin: me adre me he ka labā idra bi.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Ezekiela 20:34

ke oge me he ka hum öbun unyin tavat, me ûkhacaköu öbun ûnyi hnyi je hnyei, waleji adre ovesei öbun ka hnyin, hnen hnyam ae hwege me beny adre hai, me hmonyin adre hingâlâ;

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Ezekiela 34:12

Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.

Ezekiela 34:13

Ke oge me he ka su ödra ûheny unyin tavat, me ûkhacaköu ödra ûheny hnyi je hnyei, me hum ödra ka hnyi idra; ke oge me he ka ha ödra hon je bucen Isaraela, hnyi je deny köiö, me hnyi je ke keihen hnyei adre me labâ.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Mika 4:6

Hnyi bong eling, haingo Iehova, oge me he ka ûkhacaköuâ tavat adre me he ci, ke oge me he ka ûkhöûnâ at adre obâ, me at oge hia but ovecâ;

Zefania 3:19

Wâ bi, hnyi ûen eling oge me he ka mâdrʼ ödra hia tavat adre me oveci u: ke oge me he ka omelö at ame he ci, ke hlo at adre me obâ; ke oge me he ka wiʼ ödra hnân ogânâ me lung bi, wale adre me hmehma gadra hnyi hmeledrany hia.

Zakaria 2:6

E, e, kec dö ûnyi hnyi hnyei hnyi hwadro, haingö Iehova: anyin a oge biâ but ovesei öbun helâ me vak ta ang hnyi drany, haingö Iehovä.

Mataio 12:20

E ame ca he ka thu hlowe ame ihnyong, Ke ame ca he ka ume waamo ame hiâ ûhnyûkong Ke ne o but e ame kunâ hna owisa he ka ton.

Ioane 21:15

Ke ödrin e hia but han haba Iesu ame ha kö Simona Peteru, ka habe, Simona nöku Jona, u me hnyok könya hon hnyat ang? Haingen kâu, ka habe, E, Than; u me wâ a inya oge me hnyok köu, E ame ha kâu, ka habe, Hûn bi ju halek je arenio.

I. Korinito 8:10

Anyin ame ne ō u hnen ke at, a u at wâhmakhmeto, ke u me laba he ka han hnyi uma umen hnatheat, hawa, ca hnân ohwegiâ oûnykûminy at ae sēnyin he ka an! ta je ûnyi adre me hudo ka je hnatheat?

Deuteronomi 30:4

Eja ke ne adre ne obâ keihen ka hnyi obiny drany, me ame he Iehova Khongom ka ûkhacaköuö u ûheny, me hum u ûheny:

I. Thesalonika 5:14

Ke öhmun e ûjongi öbun hnyat me lakeiny, he ka sihwegi ödra adre me ca he wisa, nʼ ödra ju ae mat hnyekudra, hadruâ thö tavat ae sënyin, hokhnyokâ beûâ ju tavat hia thithö.

Heberu 12:12

Anyin a wale hai thö je hnyam ame him, me je bouca ae mat;

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.