Jeremia 31:7 - Iaai Bible 1901 (New Caledonia)

⁷ Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.

Jeremia 31:7 ပူးပေါင်းရင်းမြစ်များ

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Salamo 126:2

Me ame unöngötö ta je hnyimöta ge behluma, Me ta je bohmöta ge khumöng: Me ame ha thö ta je hnyei, ka habe, Iehova ame hia but ânyâ ta je ûnyi ae gan ka tavat ang.

Salamo 14:7

E na he ju möt kö Isaraela ûheny Ziona! E ka be Iehova ka ohmeto lakeiny ûhedra hnyi hnabâ. Me ame he Jekob ka senyin, kʼ ame he Isaraela ka hobâ.

Salamo 28:9

Omelo thö lakem, ke ohnahicâ ju jekhom: Ha ö ʼdra ju minya, ke kap tilʼ ödra ju ke ne o but nyiele balua.

Salamo 67:1

E NA he ju Khong ka betenge gahmun, me ohnahici öhmun, Me oumumelamâ hnyimakan huhmun; [Sela.

Salamo 69:35

Anyin ame he Khong ka omeli Ziona, me otilâ je taun anyi Juda; Kʼ adre me he ka labâ e, me hu e.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 37:31

Ke haba je kolon lap anyi Juda, tavat ae möt, adre me he ka kû hmetu eû, me wa goranyai

Isaia 37:4

Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 52:8

Ifucin tavat tue unyâm! adre me hongot goranyai, adre me tha khumöng; anyin adre me he ka wâ, me iohnyimaköu, hnyi hnö Iehova hna ohmetu Ziona.

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Jeremia 20:13

Khumöng dö kö Iehova, oganö Iehova thö: anyin a e ame hia but hûgûnâ hanon at ae theduoc ûnyi hnyi hnyamen tavat ae kong.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 3:23

E hnathu, e ûnyi baû ûhadruo ûnyi hnyi je hut, wale imonumonuny hon je bucen: e hnathu, e unyi Iehova Khonguta ûhomeli anyi Isaraela.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Je tenge anyi Jeremi 1:1

NAKAINY taun ame hake laba, waleji ae unöngöt ge at! Ke helâ me momo a safac ut walang ang! Waleji ae gan unyin ta je hnyei, ke momo than unyin je ke keihen hnyei, Kʼ ame bi fat walang ang!

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zefania 2:9

Anyin a wale, haingö Iehova tuhan sabaoth, Khongu Isaraela, ka habe, Kia inya inya a gʼ ame he Moaba ka ûcû me Sodoma, kʼ ame he lakon Amona ka ûcû me Gomora, a iny jut vhat, ke thopiny sâlt, ke ba wan nyiele balua: kʼ ame he je kolon lakeik ka sei ödra, ke ame he je kolon hnyi ik hnyei ka hwöhwabödra.

Roma 11:5

Ke helâe minya walang ang, e hu wan hoton hna ûca hnen ibetengiö baû.

Roma 9:27

Ke haba Isaia ame hâiâ at Isaraela, ka habe, A ne helâ me önyin köiö ûseiny at Isaraela, me adre me he ka omelö kolon:

Deuteronomi 28:13

Ke ame he Iehova ka wiö u hnân ban, ke ca hmokunen bi; ke u me he bi ka hon, ke ca hnyikânâ bi; u je ne löng hoton je hnanyibu anyi Iehova Khongom, wale oge me hûna köu hnyi bong ang he ka wâ wia me ânyâ;

Deuteronomi 32:43

Ta je hnyei lö, tha senyin me lakeiny: Anyin a e ame he ka bi hwaban dren lathnyabainy, Me ip hna okongoâ ka je iwahnaihmiony mē, Me ohia hwaban hulöiny iny hnyei, hobi kâu lakeiny.