Jeremia 31:5 - Iaai Bible 1901 (New Caledonia)

⁵ U me he hmetu ka tä ta je vine hon je bucen hnyi Samaria: ame he tavat belök ka tä me ijem ta je wan hnyi senyin.

Jeremia 31:5 ပူးပေါင်းရင်းမြစ်များ

Salamo 107:37

Me belökâ ta hnyei, me tä ta je vine, Me hom bi hobi kodra troban.

Jeremia 32:15

Anyin a walang hna ha hnö Iehova tuhan sabaoth, Khongu Isaraela, ka habe, Adre me he ka he hmetu bi ka ûco je uma, me je utkânâ, me je hnyei vine hnyi hnyei ang.

Ezekiela 28:26

Ke adre me he bi ka laba khotkic hnyin e; eke, adre me he ka up uma, me belöki vine, me laba khotkic; iny ka hia but bi hwaban kodra hia tavat adre me hûköti ödra igigilo; ke adre me he ka wâ a inya Iehova Khongudrin.

Ezekiela 36:8

Ke haba öbun, je bucen Isaraela lö, ame he ka vhei anyibun ta je anginy, me wa hobi kâu lakeik a Isaraela; anyin a ödra hakekeny jut he ka o.

Amosa 9:14

Me oge me he ka ohmeto lakeik a at Isaraela waleji adre me hom bâ, me adre me he bi ka otilâ hmeto ta je taun waleji ae ba wan, me labâ hmetu; ke adre me he ka tā ta je hnyei vine me ic wainainy; ke adre me he ka belökâ ta hnyei me an jeûiny.

Obadia 1:19

Ke ame he aten Hwaiöu ka hu bucen anyi Esau; kʼ ame he tavat aten dok ae tha hon ka hu hnyei iny at Filisiti: kʼ adre me he ka hu utkânâ hnyi Eferaima, ke utkânâ hnyi Samaria; ke haba Gileada, me ame he ka iny Beniamina.

Mika 1:6

Anyin a wale oge me he ka wia Samaria me me helâ me hna digic thatûnyi hnyi utkânâ, ke hnân te vine hnyin, ke oge me he ka hagutâ je veto hnyin e ka hnyi hnyigöulen bucen, me omanenâ je taben e.

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

Zakaria 3:10

Hnyi bong eling haingö Iehova tuhan sabaoth, öbun e he ka ve hawâ je lahanöbun ka hnyi hmelen je ivine, me hmelen je imeta.

Deuteronomi 20:6

Ke ewa at ame belökâ hnyei vine ke tiga ca hia but ijem wan ûnyi hnyin? e so e ame he me hmetu ka hnyi umen uma, wâ e nye mokcu hnen vat, me ijem biju hnen ke at.

Deuteronomi 28:30

U me he ka kâcâ momo, kʼ ame he bi ke at ka tha mokut mē: u me he ka op uma, kʼ u me ca he bi ka labā: u me he ka belökâ vine, kʼ u me ca he bi ka ijem wan.

I. Samuela 21:5

Ke Davita ame thu ka at bihut, me ha kâu, ka habe, E hnathu öhmun e ca kâlâ omomo helâ me kun ta bong; hwân hnyi hnök hna he jem me kap ta je unyi anyin je hidröu, ke so bi ûnyi baû hnömun hna he; hawa, ame ca bo so hnyi bong ang anyidrin ta je ûnyi?