Jeremia 31:4 - Iaai Bible 1901 (New Caledonia)

⁴ Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 31:4 ပူးပေါင်းရင်းမြစ်များ

II. Je Than 19:21

Ke walang hofuc a ha Iehova gan, ka habe, Haba hlu baû a nöku Ziona ame hukötiö u, kʼ ame hlumö u; kʼ ame nyinyikâ ban köu hnen hlu nöku Jerusalema.

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Salamo 51:18

Ânyâ thö so ko Ziona hoton hnyekom ae betenge: Otilâ thö hak veto Jerusalema.

Salamo 69:35

Anyin ame he Khong ka omeli Ziona, me otilâ je taun anyi Juda; Kʼ adre me he ka labâ e, me hu e.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 18:13

Anyin a wale, walang hna ha hnö Iehova, ka habe, Hnö thʼ öbun unyin ta je hnyei, ie at ame löng je ûnyi a helâe a hia but ânyâ ûnyi ae ti kong hnen hluiny Isaraela.

Jeremia 24:6

Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Jeremia 31:21

Otilâ thö hobi köu je haten gethen, konâm ju hobi köu je utö hnân kû gethen; hnyok ju ka hna cit gethen, waleji gethen u me he hnyin: hluiny Isaraela lö, hmetu ju, hmetu ju kââng ka hnyi ânyâm taun.

Jeremia 31:38

Wâ bi, ame he ka o je bong, haingö Iehova, me adre me he ka op taun hobi kö Iehova, hwân hnyi tap ae beû goranyai tabô Hananel, ke ne o but hnyi homagouleny kop.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 46:11

Ölö thö Gileada ai, me hok basama, u hluiny Aigupito: e ûnyi baû bi hnâm hna bi bubuny ae se hia; e ba bi eny hobi köu.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Je tenge anyi Jeremi 2:13

Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

Amosa 5:2

A ta but hluiny Isaraela; e ame ca he hmetu bi ka tot: adre degec e hon kânân kânâ, e ba at ame he ka otilâ e.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Luka 15:23

ke hom but jem nokon kau ae pipikhenya, me hlingâ but mate me han me senyin:

Ta je huliwa 15:16

Hwaban ta je ûnyi e oge me he ka hmetu, Ke oge me he ka hai uma menâ umö Davita a u; Me oge me he ka op hmetu je dok ae hmouca hnyin, Me oge me he ka otilâ e:

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.