Jeremia 31:34 - Iaai Bible 1901 (New Caledonia)

³⁴ ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 31:34 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

Salamo 25:7

Ca he ka ûnykûme ta je hulöiny anyik hidröu, me ta je hanyâûâ gak: Unykûmi nya ju hoton ânyâm ibetengiö, Ûnyi ge hwakecâm ae so, Iehova.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 33:24

Ke ame ca he bi ka ha hnen at ame labā e, ka habe, Iny mok: adre me he ka hna degecâ hulo anyin tavat adre me labā e.

Isaia 33:6

Ke ame he ka hu hwakecin ae tethmâ hnyi bongom ta je bong, wale ûhomeli ae gan, me metâ me wâhmakhmeto: haba tang omjehen bi, me ot kö Iehova.

Isaia 38:17

Wâ bi, inya hnahic ut ûnyi hnyi vec ae gan hmâ: Ke u je hia but betenge ge hanuk me omelo ûnyi hnyi monop ae bon; Anyin a u je hia but khûâ hotom ai anyik ta je hulo hia.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 52:6

Anyin a wale, ame he lakeik ka khanʼ ödra iök: anyin a wale, ame he ka khanʼ ödra hnyi bong eling a inya at ame ha; wâ bi inya.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Jeremia 33:8

Ke oge me he ka osûʼ ödra ûnyi hnyi anyidra ta je hulo hia waleji adre ânyâ könya; ke oge me he ka hna hia anyidra ta je hulo waleji adre me ânyâ me monu könya.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Hosea 2:20

Oge me he ka hum u könya hnyi hnathu: ke ame he ka khanö u Iehova.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mika 7:19

Ke e ame he ka hmetuhmetu me betenge gata; e ame he ka uto anyita je hulo hmelen li can: ke u me he ka khûâ anyidra ta je monu hia thithö ka hnyi köiö hnyi dok ae dit.

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Luka 1:77

He ka o wâhmakhmetoâ lakeiny ge ûhomeli Wale he ka thang anyidra ta je hulö,

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Ta je huliwa 10:43

Ame ohnathoâ gan hnen ta je perofeta hia, a adre me he ka thang degecâ but ta je hulo hia anyin tavat adre me labageju kâu, ûnyi hnyi ien.

II. Korinito 2:10

Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso;

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

I. Thesalonika 4:9

Ke ca ûnyi hnathu bi a oge me he ka sihnalimen köbun ge bongon ibetengiö anyin hnyat me lakeiny: anyin a nʼ öbun Khong he ka ibetengiököu;

Heberu 5:12

E ûcû köbun he ka ûne ka tavat anyin ae kuebun dut, ke so bi e ûnyi hnathu a gʼ ame he hmetu ke at ka nʼ öbun ge ta je taben hna ûne a bân hnyi hofuc hwan Khong; kʼ öbun ûcû hmetu he ka ic debai, ke ca he ka han jeû bi.

Heberu 8:11

Kʼ adre me ca he bi ka ve nâ tavat ae hakekeny kodra, Ke je liamekeiny mʼ ödra, me ha, ka habe, Khanö u thö Than: Anyin ame he bi tavat hia thithö ka khanʼ ödra inya, Hwân ge tavat ae ûhnyûkong ke ne o but ge tavat ae gan gadra.

Heberu 8:12

Anyin oge me he ka betenge baû ge hwakecidra ae kong, Ke oge me ca he hmetu bi nya ka ûnykûme anyidra ta je hulo.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

I. Samuela 2:12

Ke haba li laku Eli me li laku Belial; ke ca khanʼ ödru Iehova.