Jeremia 31:31 - Iaai Bible 1901 (New Caledonia)

³¹ Haingö Iehova, ka habe, Wâ bi, ame he ka o je bong me oge me he ka ânyâ ûhihinyköu a teb ûnyi me lap anyi Isaraela, me lap anyi Juda:

Jeremia 31:31 ပူးပေါင်းရင်းမြစ်များ

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 31:27

Wâ bi, ame he ka o je bong, haingö Iehova, me oge me he ka tû lap anyi Isaraela me lap anyi Juda, a je wan at, me wan meno.

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Amosa 9:13

Ke haingo Iehova, ka habe, Wâ bi ame he ka o je bong, me ame he at ame trohnen ka khaû at ame subö hwit, ke ame he at ame utoto wan vine ka khaû at ame cekön; ke ame he je bucen ka khukhula ge waina ae hnebwia, kʼ ame he je hut hia ka lup.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Mareko 14:24

Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Luka 22:20

Ke helâe minya kaia hwaban hna han, ame ha, ka habe, Walang kaia a ûhihinyköu ae teb ûnyi hnyi drök, ame hingâlâ hnân hobi köbun.

I. Korinito 11:25

Ke helâe minya me kaia, hwaban hna han, ame ha, ka habe, Haba kaia eang, me ûhihinyköu a teb ûnyi hnyi drök: ânyâ thö e he ka ûnykûme könya hnyi ta je ûen öbun e ijem hnyin.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

Galatia 6:16

Ke haba ödra hia adre me he hoton tulut eang, me so e unyidra me Isaraela anyin Khong hnahic me ibetengiö.

Deuteronomi 29:14

Ke oge me ca hake ânyâ ûhihinyköu ang möbun me khemanyin köbun;

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 7:12

Adre me wia hanymen at bihut, anyin a wale e ti ûcû minya he ka wia hnanyibu.

Heberu 9:15

Ke anyin a wale, e thibi at ûsoköu hnyi ûhihinyköu ae teb ûnyi me me he tavat adre hawâ ka kap hna ha bânâ wale jekhoû ame ca ba balua, anyin ae hu mok hnân bi hwaban ta je hna hanyâûâ hmelen ûhihinyköu a bân.