Jeremia 31:30 - Iaai Bible 1901 (New Caledonia)

³⁰ Ke ame he ka ve mok tavat can hwakecidra ae kong; ke haba at ama ijem wan vine ae but, ame he bi ka miminy nyon.

Jeremia 31:30 ပူးပေါင်းရင်းမြစ်များ

II. Je Than 14:6

ke e ame ca hlingâ lakon li at ûhüngö: helâ me hna sihnalimen hnyi tusi hnanyibu anyi Mose, waleji a hûna Iehova, ka habe, Adre me ca he ka hlingâ je kamen can je nokon, ke haba khaca adre me ca he ka hlingâ je lakon can je kamen; ke adre me he ka ve hlingâ at can anyin bi hulö.

Jobu 21:20

E so ame he li hing emakan ka wâ ûkonguny, E so e ame ijem hmonyin anyin Ataekhanahia.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Ezekiela 18:20

Haba at ame ânyâ hulo, me ame he bi ka mok; kʼ adre me ca he ka bi hwaban hulo auyin kamen ka nokon, kʼ adre me ca he ka bi hwaban hulo anyin nokon ka kamen; ke haba hwakecin ae wisa anyin at ae wisa me ame ka he bi ka mokut hon, ke haba hwakecin ae kong anyin at ae kong me ame he bi ka mokut hon.

Ezekiela 18:4

Wâ bi, haba je hanu hia, me anyik, anyik bi hanon kamen, ke anyik minya hanon nokon: ke haba hanu ame ânyâ hulo, me ame he bi ka mok.

Ezekiela 3:24

Me ame dilic nya hnen hanu me otilâ li cak; me ha könya, ka habe, He thö ka hlöng bi hwanumâm hnyi umâm uma.

Ezekiela 33:13

Ke iny ka ha ka at ae wisa, ka habe, e ame he ka möt; kʼ ame ne he bi ka labageju hwakecin ae wisa, kʼ ame ne ânyâ hulo bi, awe adre me ca he ka ûnykûme hwakecin ae wisa; kʼ ame he bi ka mekiny hulo e ame ânyâ.

Ezekiela 33:18

E ka hwio at ae wisa hnyi hwakecin ae wisa, me ânyâ hulo, e ame he ka mekiny e.

Ezekiela 33:8

Iny ka ha ka at ae kong, ka habe, At ae kong lö, u me he ka mok, ke u me ca he bi ka fuc me koû ka at ae kong hnyi deny gethen; awe, ame he at eling ae kong ka mekiny hwakecin ae kong, ke oge me he bi nya ka elâm dren gam.

Galatia 6:5

Anyin ame he tavat hia ka ve hijen honödra ta je hok.

Deuteronomi 24:16

Adre me ca he ka hlingâ je kamen can je nokon, kʼ adre me ca he ka hlingâ je nokon can je kamen: kʼ adre me he ka ve hlingâ at can anyin hulö bi.

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.