Jeremia 31:25 - Iaai Bible 1901 (New Caledonia)

²⁵ Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Jeremia 31:25 ပူးပေါင်းရင်းမြစ်များ

Salamo 107:9

Anyin a e ame osekunâ hanon at ame behu, Me öunöngötâ ge so hanon at ae mekihnânem.

Salamo 23:3

E ame ohmeto hanuk: E ame su nya hnyi je gethen deny hwakecin ae wisa ûnyi ge ien.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 40:29

E ame ha hwegien at ae sēnyen, me ham gânâ hwege ka at ae ba maniny.

Isaia 41:17

Tavat adre me vec, ke ta je theduoc, me adre me heleû köiö, me ba, ke atgec dö ta je bohmödra ge beic; ke oge me he bi nya Iehova ka thu kodra, oge me ca he bi nya Khongu Isaraela ka hna degeci ödra.

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Jeremia 31:14

Ke oge me he ka osekunâ tavat bihut ge pipikhenya, ke oge me he ka osekunâ lakeik ge soik, haingö Iehova.

Ezekiela 34:14

Oge me he ka ha ödra hnyi je sajilat ae so, ke ame he ka hnen hagidra hon je bucen ae beû hnyi Isaraela: adre me he ka mokut eling hnyi hak ae so, me han hnyi sajilat ae hât hon je bucen Isaraela.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Luka 1:53

E ame osekunâ tavat a ödra mekihnâ nem ge ta je ûnyi ae so, Kʼ ame kunâ wia tavat tren omjeû ke ba ûnyi.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

II. Korinito 7:6

Ke haba Khong, at ame okahwa tavat adre me ohnyikönʼ ödra bi, me e ame okahwʼ öhmun ge ioi Tito;